'சுட்டுச் சுட்டு' விளையாடிய ஒபாமா... ஹாபி என்று விளக்கம்!

வாஷிங்டன்: அமெரிக்க அதிபர் ஒபாமா துப்பாக்கியால் சுடுவது போன்ற புகைப்படம் குறித்து வெள்ளை மாளிகை விளக்கம் அளித்துள்ளது. பொழுதுபோக்காகவே ஒபாமா துப்பாக்கியால் சுட்டுப் பொழுதைக் கழித்தார் என்று வெள்ளை மாளிகை விளக்கியுள்ளது. ஒபாமாவும் அதே போல விளக்கம் அளித்துள்ளார்.

கேம்ப்ட் டேவிடில் முகாமிட்டுள்ள ஒபாமா, நீண்ட துப்பாக்கியைப் பிடித்தபடியும், அதில் சுட்டபடியும் இருப்பது போன்ற புகைப்படம் வெளியாகி இதென்ன புது கலாட்டா என்ற கேள்வி அலைகளை எழுப்பியது. இதற்கு ஒபாமாவும், வெள்ளை மாளிகையும் விளக்கம் அளித்துள்ளனர்.

சமீப காலமாக துப்பாக்கிச் சுடுதலில் தனக்கு விருப்பம் ஏற்பட்டுள்ளதாகவும், எனவே துப்பாக்கிச் சுடுதலை ஹாபியாக தொடங்கியிருப்பதாகவும் ஒபாமா தெரிவித்துள்ளார்.

அதேசமயம், ஒபாமா துப்பாக்கியால் எந்த இலக்கைச் சுட்டுப் பிராக்டிஸ் செய்தார் என்று சிலர் சந்தேகம் கிளப்பியுள்ளனர். இதையடுத்து வெள்ளை மாளிகை விளக்கம் ஒன்றை அளித்துள்ளது. அதில், இது ஆகஸ்ட் 4ம் தேதி எடுக்கப்பட்ட புகைப்படமாகும். ஒபாமாவின் 51வது பிறந்த நாளின்போது இந்தப் படம் எடுக்கப்பட்டது. ஒபாமாவின் பொழுதுபோக்கு துப்பாக்கிச் சுடுதல் என்று அது விளக்கியுள்ளது.

அமெரிக்க அதிபர் சுட்டாலும் நியூஸ்தான், அவரது மகள் கொட்டாவி விட்டாலும் நியூஸ்தான்...!

English summary

When President Barack Obama mentioned last week that he had picked up a new hobby - skeet shooting at Camp David - it was a surprising disclosure by a president whose main identification with guns these days is his effort to ban assault rifles and high-capacity magazines.