என்னது ஜனவரி மாதத்துக்கான மொபைல் கட்டணம் ரூ13 கோடியா!!
மும்பையைச் சேர்ந்த தொழிலதிபரான விஸ்வநாத் ஷெட்டி, எம்.என்.டி.எல். வாடிக்கையாளராக இருந்து வருகிறார். கடந்த ஜனவரி மாதம் அவர் தமது மொபைல் கட்டணமாக ரூ1318 ஐ செலுத்தியும் இருக்கிறார்.
இந்த நிலையில் அவர் நேற்று தமது அலுவலகப் பணி முடிந்துவிட்டு ரயிலில் வீட்டுக்கு சென்று கொண்டிருந்தார். அப்பொழுது அவரது மொபைலுக்கு ஒரு டெக்ஸ்ட் மெசேஜ் வந்திருக்கிறது. அதில் ரூ13கோடியே 18 லட்சத்து 47 ஆயிரத்து 813 கட்டணம் செலுத்த வேண்டியிருக்கிறது.. நிலுவைக் கட்டணத்தை உடனே செலுத்தி உங்கள் இணைப்பு துண்டிக்கப்படுவதை தவிர்த்துவிடுங்கள்.. இந்த கட்டணத்தை செலுத்தியிருந்தால் இதை இக்னோர் செய்யவும் என்று வந்திருக்கிறது. விஸ்வநாத் ஷெட்டிக்கு தலை சுற்றி மயக்கமே வந்திருக்கிறது.
மறுநாள் அடித்துப் பிடித்துப் போய் அந்நிறுவன அலுவலகங்களில் விசாரித்துப் பார்த்தும் பயனேதும் இல்லை. அப்படி ஒரு மெசேஜே அனுப்பவே இல்லை என்றும் கூட கூறியிருக்கின்றன.
என்னடா! இப்படி ஒரு சோதனையா என வீட்டுக்கு திரும்பியிருக்கிறார். அப்பொழுது இன்னொரு மெசேஜ் வந்திருக்கிறது. டியர் கஸ்டமர்... முந்தைய மெசேஜை இக்னோர் செய்துவிடுங்கள்.. உங்களது சரியான தொகை ரூ1318 என்று சாரி மெசேஜ் வந்து டபாய்த்திருக்கிறது!
அதெல்லாம் சரி... ரூ13 கோடியை பார்த்து ஹார்ட் அட்டாக் வந்து ஏடாகூடமா நடந்திருந்தா யார் பொறுப்பாம்!
Click it and Unblock the Notifications
Sign in with Google