பிரபலமான அரசியல்வாதி யார்? கருத்துக்கணிப்பில் ஒபாமாவை மிஞ்சினார் ஹிலரி!

ஜோகன்ஸ்பெர்க்: அமெரிக்காவில் மக்கள் மத்தியில் நன்மதிப்பை பெற்ற அரசியல்வாதி யார் என்ற கருத்துக் கணிப்பில் பராக் ஒபாமாவை மிஞ்சியுள்ளார் ஹிலரி கிளிண்டன்.

சமீபத்தில் அமெரிக்க பல்கலைக்கழகம் இது தொடர்பாக கருத்து கணிப்பு நடத்தியது. இதில் 2016ஆம் ஆண்டில் நடைபெற உள்ள அமெரிக்க ஜனாதிபதி தேர்தலுக்கு யாரை வேட்பாளராக நியமிக்கலாம் என கேள்வி கேட்கப்பட்டது.

இதில், 61 சதவிகித மக்கள் ஹிலரி கிளிண்டனுக்கு ஆதரவாகவும், 51 சதவிகித மக்கள் பராக் ஒபாமாவிற்கு ஆதரவாகவும், மற்றும் ஜோ பைடனுக்கு 46 சதவிகித மக்கள் ஆதரவாகவும் வாக்களித்துள்ளனர்.

கடந்த 2009 முதல் 2013-ம் ஆண்டு வரை அமெரிக்காவின் வெளியுறவு செயலராக பணியாற்றினார் ஹிலரி. உடல் நிலை காரணமாக பிப்ரவரி 1-ம்தேதி பதவி விலகினார்.

பதவி விலகிய ஒரு வாரத்தில் இந்த கணக்கெடுப்பு வெளியாகி உள்ளது. மறுபடியும் அரசியலுக்கு வருவது குறித்து அவர் தனது முடிவை தெரிவிக்கவில்லை. ஆனால் அவரை அதிபர் பதவிக்கான வேட்பாளராக நிறுத்துவதில் ஆர்வமாக உள்ளார் அவரது கணவரும் முன்னாள் அதிபருமான க்ளிண்டன்.

English summary

Former Secretary of State Hillary Clinton has been voted as the most popular political figure in the United States, much ahead of President Barack Obama, who has slipped from his former popularity, according to a recent poll.