• search
For Quick Alerts
ALLOW NOTIFICATIONS  
For Daily Alerts

2ஜி வழக்கில் புதிய பரபரப்பு: யுனிடெக் எம்.டி.யுடன் ரகசிய உரையாடல் நடத்திய சிபிஐ வக்கீல் நீக்கம்!

By Mathi
|

டெல்லி: நாட்டை உலுக்கிய 2ஜி ஸ்பெக்ட்ரம் அலைவரிசை ஒதுக்கீட்டு ஊழல் வழக்கில் புதிய பரபரப்பாக குற்றம்சாட்டப்பட்ட யுனிடெக் நிர்வாக இயக்குநர் சஞ்சய் சந்திராவுக்கு சாதகமாக செயல்பட்ட சிபிஐ வழக்கறிஞர் ஏ.கே.சிங் நீக்கப்பட்டிருக்கிறார்.

ஸ்பெக்ட்ரம் அலைவரிசை ஒதுக்கீட்டு ஊழல் வழக்கு உச்சநீதிமன்றத்தின் கண்காணிப்பில் நடைபெற்று வருகிறது. இந்த வழக்கில் குற்றம்சாட்டப்பட்ட நிறுவனங்களில் ஒன்று யுனிடெக். இந்த யுனிடெக் நிறுவனத்தின் நிர்வாக இயக்குநர் சஞ்சய் சந்திராவுக்கு ஆதரவாக ஆ.ராசா செயல்பட்டார் என்றுதான் குற்றச்சாட்டு இருக்கிறது.

இந்நிலையில் சஞ்சய் சந்திராவுடன் சிபிஐ வழக்கறிஞர் ஏ.கே.சிங் ரகசியமாக உரையாடல் நடத்தியது அம்பலமாகி இருக்கிறது. கடந்த செப்டம்பர் மாதம் இந்த உரையாடல் நடைபெற்றிருக்கிறது. இதில் எப்படியெல்லாம் சிபிஐ-ன் விசாரணையை எதிர்கொள்ள வேண்டும் என்று சஞ்சய் சந்திராவுக்கு ஏ.கே.சிங். விளக்கியிருக்கிறார்.

இந்த உரையாடல் டேப் வெளியானதைத் தொடர்ந்து சிபிஐ நிர்வாகம் ஏ.கே.சிங்கை நீக்கியிருக்கிறது. இது தொடர்பாக கருத்து தெரிவித்த, இந்த வழக்கில் நாங்கள் சமரசம் செய்து கொள்ளும் பேச்சுக்கே இடமில்லை. ஒருவரின் தவறான செயல்பாட்டால், சி.பி.ஐ.யின் நேர்மைக்கு எந்த பாதிப்பும் வராது என்றார்.

ஆனால் யுனிடெக் நிர்வாகம் வெளியிட்டிருக்கும் அறிக்கையில் இது நிராகரிக்கப்பட்டிருக்கிறது.

இதனிடையே இந்த விவகாரம் தொடர்பாக சிபிஐ இயக்குநரை பார்லிமெண்ட் கூட்டுக் குழு விசாரிக்கக் கூடும் என்றும் கூறப்படுகிறது.

யுனிடெக் பங்குகள் சரிவு

இந்த விவகாரத்தால் பங்குச் சந்தையில் யுனிடெக்கின் பங்குகள் கடும் வீழ்ச்சியடைந்தன. இன்று காலை மும்பை பங்குச் சந்தை தொடங்கிய போது யுனிடெக்கின் பங்குகள் 20% சரிந்து இருந்தது. ஒரு பங்கின் விலை ரூ28.05 ஆக சரிந்து இருந்தது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
CBI has removed a public prosecutor from the 2G spectrum case after he was allegedly caught in a taped conversation discussing prosecution strategy with one of the high-profile accused Sanjay Chandra, Managing Director of Unitech.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more