யு டியூப்பில் டெல்லி செங்கோட்டை ஒளி – ஒலி காட்சி

By Mayura Akilan

Published: Saturday, February 16, 2013, 11:16 [IST]

Subscribe to Oneindia Tamil

டெல்லி: செங்கோட்டையில் நடக்கும் ஒளி ஒலிக் கண்காட்சி நிகழ்ச்சிகளை தற்போது சமூக வலைதளமான யு டியூப்பில் பார்க்க சுற்றுலாத் துறை ஏற்பாடு செய்துள்ளது.

செங்கோட்டை, புரானா குய்லா ஆகிய வரலாற்று சிறப்புமிக்க இடங்களில் சுற்றுலாப் பயணிகளை கவருவதற்காக ஒளி ஒலிக் கண்காட்சிகள் நடத்தப்பட்டு வருகிறது.

செங்கோட்டையில் 58 நிமிடங்களும், புரானா குய்லா வில் 54 நிமிடங்களும் இந்த நிகழ்ச்சி நடைபெறுவது வழக்கம். இந்த நிகழ்ச்சியை சமூக வலைதளமான யு டியூப்'பில் அப்லோட் செய்யும்படி மத்திய சுற்றுலாத் துறை அமைச்சர் சிரஞ்சீவி அதிகாரிகளுக்கு உத்தரவிட்டிருந்தார்.அமைச்சர் உத்தரவுப் படி அந்த பணிகள் முழுமை அடைந்துவிட்டது.

தற்போது யு டியூப்பில் செங்கோட்டை, புரானா குய்லா வில் நடைபெறும் முழு ஒளி, ஒலி நிகழ்ச்சியையும் இலவசமாக பார்க்கலாம் என்று துறை அதிகாரி ஒருவர் தெரிவித்தார்.

இதன் மூலம் டெல்லி சென்று செங்கோட்டையின் ஒளி ஒலி காட்சியை நேரடியாக ரசிக்க முடியாதவர்கள் யு டியூப் மூலம் பார்த்து ரசிக்கலாம்.

Published On February 16, 2013