எதிஹாட் ஏர்வேஸுடனான டீல் முடிவதில் தாமதம்- ஜெட் ஏர்வேஸின் பங்குகள் சரிவு!

டெல்லி: அபுதாபியின் எதிஹாட் ஏர்வேஸுடனான பங்கு விற்பனை விவகாரத்தில் முட்டுக் கட்டை நீடித்து வருவதால் ஜெட் ஏர்வேஸின் பங்குகள் இன்று சரிவை சந்தித்தன.

அன்னிய நேரடி முதலீட்டுக்கு மத்திய அரசு அனுமதி அளித்த நிலையில் அபுதாபியின் எதிஹாட் போன்ற பெரிய ஏர்வேஸ் நிறுவனங்கள் பார்வை இந்தியா பக்கம் திரும்பியது. கிங்பிஷர் மற்றும் ஜெட் ஏர்வேஸ் நிறுவனங்களின் பங்குகளை எதிஹாட் ஏர்வேஸ் நிறுவனம் வாங்கக் கூடும் என்று கூறப்பட்டு வந்தது.

பின்னர் ஜெட் ஏர்வேஸின் பங்குகளை எதிஹாட் வாங்குவது உறுதியானது. இது தொடர்பாக மத்திய அமைச்சர்களையும் இரு நிறுவனங்களின் தலைவர்கள் நேரில் சந்தித்துப் பேசியிருந்தனர்.

இருப்பினும் பங்குகளை விற்பனை செய்வது தொடர்பான இறுதி ஒப்பந்தத்தில் சில நடைமுறை முட்டுக்கட்டைகள் நீடித்து வருவதாக நேற்று எதிஹாட் ஏர்வேஸ் நிறுவனத்தின் தலைவர் அறிவித்திருந்தார். இதைத் தொடர்ந்து இன்றைய பங்குச் சந்தையில் ஜெட் ஏர்வேஸின் பங்குகள் மதிப்பு சரிவை சந்தித்தன.

கடந்த 10 மாதங்களாக ரூ647.80 என்ற நிலையில் இருந்த ஜெட் ஏர்வேஸின் பங்குகள் மும்பை பங்குச் சந்தையில் இன்று 5.32% சரிவை சந்தித்து ரூ585.50 ஆக இருந்தது.

English summary

Shares in Jet Airways(JET.NS) fell as much as 6.8 percent on Monday, a day after the chairman of Etihad Airways said the Abu Dhabi-based carrier needed to revise the terms of a pending deal to buy a stake in the Indian airline.