நீங்க ரொம்ப அழகா இருக்கீங்க... பெண் செய்தியாளரிடம் வழிந்த சரத் யாதவ்

போபால்: பெண் செய்தியாளர்களிடம் அத்துமீறி நடக்கும் அரசியல்வாதிகள் பட்டியலில் தற்போது ஐக்கிய ஜனதாதள தலைவர் சரத் யாதவும் இணைந்துள்ளார். போபாலுக்கு வந்த அவர் அங்கு பெண் செய்தியாளர் ஒருவரைப் பார்த்து நீங்க ரொம்ப அழகா இருக்கீங்க என்று கமெண்ட் அடித்து சர்ச்சைக்குள்ளாகியுள்ளார்.

சூரியநெல்லி கற்பழிப்பு விவகாரம் தொடர்பாக கடந்த வாரம் மத்திய அமைச்சர் வயலார் ரவியிடம் கேள்வி கேட்ட பெண் நிருபர் ஒருவரை தரக்குறைவாக விமர்சித்த வயலார் ரவி, சர்ச்சையில் சிக்கினார்.

அந்த சர்ச்சையின் சூடு தணியும் முன்னர், சரத் யாதவ் இன்னொரு பெண் நிருபரிடம் அநாவசியமாக கமெண்ட் அடித்து புதிய சர்ச்சையில் சிக்கியுள்ளார்.

ஐக்கிய ஜனதா தள கட்சி தலைவராக இருப்பவர் சரத்யாதவ். எம்.பியான இவர், போபாலில் சுற்றுப்பயணம் மேற்கொண்டார். அங்கு செய்தியாளர்களையும் சந்தித்தார்.

அப்போது ஒரு பெண் நிருபர், நீங்கள் மத்தியபிரதேசம் மற்றும் பீகார் ஆகிய மாநிலங்களில் இருந்து எம்.பியாக இருந்துள்ளீர்கள். இதில் எந்த மாநிலத்தை விரும்புகிறீர்கள் என்று கேட்டார். அதற்குப் பதிலளித்த யாதவ், ஒட்டு மொத்த இந்தியாவும் அழகுதான் என்றார். அத்தோடு நிற்காமல், ஏன் நீங்க கூடத்தான் ரொம்ப அழகாக இருக்கிறீர்கள் என்று கூற அங்கிருந்தவர்கள் சிரித்தனர். கேள்வி கேட்ட செய்தியாளர் நெளியும் நிலை ஏற்பட்டது.

நாடாளுன்றத்தின் ஒவ்வொரு கூட்டத்தொடரின் போதும் மகளிர் இட ஒதுக்கீடு மசோதா குறித்த விவாதங்கள் வந்தால், அந்த மசோதாவை கடுமையாக எதிர்த்து பேசுபவர் என்பது குறிப்பிடத்தக்கது.

English summary

Janata Dal (United) president Sharad Yadav on Tuesday made a sexist remark at a woman reporter during a press conference here on Tuesday. When the reporter wanted him to answer which of the two states, Bihar or Madhya Pradesh, is better, Sharad Yadav evaded a reply and said, “whole country is good.”But the NDA convener did not stop at that and went on to target the reporter saying, “even you are very beautiful”.