இணையதளம், செல்போன் மூலம் 24 மணி நேரமும் இனி டிக்கெட் முன்பதிவு செய்யலாம்

டெல்லி: இணையதளம், செல்போன் மூலம் இனி ரயில்வே டிக்கெட்களை 24 மணி நேரமும் முன்பதிவு செய்யலாம் என்று ரயில்வே அமைச்சர் பவன் குமார் பன்சால் தெரிவித்துள்ளார்.

ரயில்வே பட்ஜெட்டை இன்று தாக்கல் செய்து பன்சால் பேசுகையில், இணையதளம், செல்போன் மூலம் இனிமேல் 24 மணி நேரமும் டிக்கெட் முன்பதிவு செய்யும் வசதி அறிமுகப்படுத்தப்படும். இதனால் நீண்டவரிசையில் நின்று முன்பதிவு செய்யும் அவலம் குறையும் என்றார்.

ஏற்கனவே தத்கல் மற்றும் ஆன்லைன் முன்பதிவு காரணமாக பல பயணிகள் டிக்கெட் கிடைக்காமல் தவிக்கும் நிலை நிலவுகிறது. இந்த நிலையில் செல்போன், இணையதளம் மூலம் 24 மணி நேரமும் முன்பதிவு செய்யலாம் என்று ரயில்வே பட்ஜெட்டில் அறிவித்திருப்பது இந்த வசதிகளை அடைய முடியாத அப்பாவி பயணிகளை கடுமையாக பாதிக்கும் என்று எதிர்பார்க்கப்படுகிறது.

English summary

Union railway minister Bansal has proposed 24 hr ticket reservation through online and mobile phones.