'சிதம்பரம் எஃபெக்ட்': ஏசி ஹோட்டலில் சாப்பிட்டால் இனி பில் அதிகம் வரும்

டெல்லி: ஏற்கனவே ஹோட்டல்களில் சாப்பிட்டால் பில் தொகையை கையைக் கடிக்கிறது. இந்நிலையில் அனைத்து ஏசி ஹோட்டல்களுக்கும் சேவை வரிவிதிக்கப்பட்டுள்ளது.

2013-2014ம் ஆண்டுக்கான பொது பட்ஜெட்டை மத்திய நிதியமைச்சர் ப. சிதம்பரம் இன்று தாக்கல் செய்தார். அதில் வருமான வரி தொடர்பாக என்ன குண்டை போடப் போகிறாரோ என்ற பயந்தவர்களுக்கு நிம்மதி கிடைத்துள்ளது.

ஆனால் ஏசி ஹோட்டல்களில் சென்று சாப்பிடுவர்களுக்கு தான் கவலை ஏற்பட்டுள்ளது. காரணம் இன்றைய பட்ஜெட்டில் உள்ள ஒரு அறிவிப்பு தான்.

அதாவது அனைத்து ஏசி ஹோட்டல்களுக்கும் சேவை வரி விதிக்கப்படும் என்று சிதம்பரம் அறிவித்துள்ளார். ஏற்கனவே ஹோட்டல்களில் சேவை வரி, வாட் வரி என்று பில் தொகையைப் பார்த்தாலே கண்ணைக் கட்டுகிறது. இந்நிலையில் ஏசி ஹோட்டல்களில் இனி மேலும் பில் தொகை கூடுதலாக வரப் போகிறது.

English summary

According to the budget presented today, service tax will be levied on air-conditioned restaurants. So, it is time for those who love to eat in the restaurants to get fat wallets to pay the bill.