சிறப்பான பட்ஜெட்: ப.சிதம்பரத்துக்கு பிரதமர் பாராட்டு

டெல்லி: மத்திய நிதி அமைச்சர் ப.சிதம்பரம் வரவேற்கத்தக்க சிறப்பான பட்ஜெட்டை தாக்கல் செய்திருக்கிறார் என்று பிரதமர் மன்மோகன்சிங் பாராட்டியுள்ளார்.

பட்ஜெட் குறித்து பிரதமர் மன்மோகன்சிங் கூறுகையில், நாட்டின் பொருளாதாரம் சவால்களை எதிர்கொண்டிருக்கிறது. இதை சமாளிக்கும் வகையில் பட்ஜெட் அமைந்திருக்கிறது. நாட்டின் வளர்ச்சியை இலக்காகக் கொண்டு இந்த பட்ஜெட் தாக்கல் செய்யப்பட்டிருக்கிறது.

அதிகளவிலான முதலீடுகளை ஈர்க்கும் வகையிலான பட்ஜெட்டாகவும் அமைந்திருக்கிறது. பொருளாதார தேக்கத்தை எதிர்கொண்டிருக்கும் நிலையில் சிறப்பானதாக பட்ஜெட் அமைந்திருக்கிறது.

12-வது ஐந்தாண்டுத் திட்ட காலத்தில் 10 மில்லியன் வேலை வாய்ப்புகளை உருவாக்க வேண்டிய தேவை நமக்கிருக்கிறது. இதற்காக 8% மொத்த உள்நாட்டு உற்பத்தி இலக்கை எட்ட வேண்டும் என்றார் அவர்.

English summary

Prime Minister Manmohan Singh Thursday appreciated the union budget and said the finance miniter had done a "commendable" job.