மத்திய பட்ஜெட் 'சிதம்பரத்தின் பகல் கனவு': ஜெயலலிதா தாக்கு

சென்னை: இன்று தாக்கல் செய்யப்பட்ட மத்திய பட்ஜெட் நிதி அமைச்சர் ப. சிதம்பரத்தின் பகல் கனவு பட்ஜெட் என்று முதல்வர் ஜெயலலிதா தெரிவித்துள்ளார்.

இது குறித்து அவர் வெளியிட்டுள்ள அறிக்கையில் கூறியிருப்பதாவது,

நாட்டின் பொருளாதார பிரச்சினைகளைத் தீர்க்க அறிவிப்புகள் இல்லாத இந்த பட்ஜெட், ப.சிதம்பரத்தின் பகல் கனவு பட்ஜெட். வெளிநாட்டு முதலீட்டை பெருக்குவதற்கு மட்டுமே மத்திய பட்ஜெட்டில் வழிவகை செய்யப்பட்டுள்ளது. விலைவாசியைக் கட்டுப்படுத்த எவ்வித அறிவிப்பும் இல்லை.

நிதிப் பற்றாக்குறையை மாநில அரசுகளை பயன்படுத்தி தீர்க்க மத்திய அரசு நினைக்கிறது. இந்த பட்ஜெட்டில் மாநில அரசுகளுக்கு எதிரான மத்திய அரசின் மனப்பான்மை தெளிவாகத் தெரிகிறது என்று அவர் அதில் தெரிவித்துள்ளார்.

English summary

CM Jayalalithaa criticised union budget 2013-2014 as finance minister P. Chidambaram's day dream budget.