காற்றழுத்தம்: சென்னையில் மோடம்... ஆனால் மழை வராது, கடலோரங்களில் மழை பெய்யலாமாம்

சென்னை: வங்கக் கடலில் இலங்கைக்கு அருகே குறைந்த காற்றழுத்தத் தாழ்வு நிலை ஏற்பட்டிருப்பதால் தமிழகத்தின் கடலோரப் பகுதிளில் லேசான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதேசமயம், சென்னையில் மழை பெய்யவாய்ப்பில்லை என்றும் வானிலை மையம் கூறியுள்ளது.

இலங்கை அருகே ஒரு குறைந்த காற்றழுத்த தாழ்வு நிலை உருவாகி உள்ளது. இது குறித்து சென்னை மண்டல வானிலை ஆராய்ச்சி இயக்குனர் எஸ்.ஆர்.ரமணன் கூறுகையில், இலங்கைக்கு தென்கிழக்கில் குறைந்த காற்றழுத்த தாழ்வு நிலை சில நாட்களாக இருந்தது. அது தற்போது இலங்கைக்கு தென்மேற்கில் வங்கக்கடலில் உள்ளது.

இதன்காரணமாக தமிழ்நாட்டில் கடலோர மாவட்டங்களில் அடுத்த 2 நாட்களுக்கு சில இடங்களில் மழை பெய்யும்.இன்று சென்னையில் மழைக்கு வாய்ப்பு இல்லை. நாளை சென்னையில் மழை பெய்ய வாய்ப்பு உள்ளது என்றார் ரமணன்.

English summary

Coastal Tamil Nadu may get some rain due to low pressure in bay of Bengal.