பதவி ஆசையில்லா ராகுலுக்கு திருமண ஆசையும் இல்லையாமே

டெல்லி: 42 வயதாகும் காங்கிரஸ் துணை தலைவர் ராகுல் காந்திக்கு திருமணம் செய்து கொள்ள இஷ்டம் இல்லையாம்.

காங்கிரஸ் துணை தலைவர் ராகுல் காந்திக்கு 42 வயதாகிறது. ஆனால் அவருக்கு இன்னும் திருமணம் ஆகவில்லை. அவரை திருமணம் செய்து கொள்ளுமாறு கட்சியினர் தொடர்ந்து வலியுறுத்துகின்றனர். அவரது பிறந்தநாள் தோறும் திருமணம் குறித்து கட்சியினர் பேசி வருகின்றனர். இந்நிலையில் தனக்கு திருமணத்தில் விருப்பம் இல்லை என்று ராகுல் தெரிவித்துள்ளார்.

இது குறித்து அவர் நாடாளுமன்றத்தில் எம்.பி.க்கள் மற்றும் செய்தியாளர்களிடம் கூறுகையில்,

நான் திருமணம் செய்து கொண்டு, குழந்தைகள் பெற்றால் என்னுடைய பதவியை அவர்களுக்கு அளிப்பது பற்றி யோசிக்க வேண்டும் என்றார்.

வழக்கமாக அவரிடம் திருமணப் பேச்சு எடுத்தால் உரிய நேரத்தில் அறிவிப்பேன் என்று கூறி மழுப்பிவிடுவார். ஆனால் திருமணத்தில் விருப்பம் இல்லை என்று தற்போது தான் முதல் முறையாக தெரிவித்துள்ளார்.

English summary

Congress Vice President Rahul Gandhi told that he wasn't interested in marriage.