சர்வதேச மகளிர் தினம்: ஏர் இந்தியாவின் லேடீஸ் ஸ்பெசல் விமானம்… புதிய சலுகைகள்

டெல்லி: சர்வதேச மகளிர் தினத்தை ஒட்டி முற்றிலும் பெண் பணியாளர்களை மட்டுமே கொண்ட விமானங்களை இயக்க முடிவு செய்துள்ளது. விமானத்தில் பயணம் செய்யும் மகளிருக்கு பரிசுப் பொருளும், கட்டணச் சலுகையும் வழங்கப் போவதாக சில விமான நிறுவனங்கள் அறிவித்துள்ளன.

சர்வதேச மகளிர் தினம் வியாழக்கிழமை கொண்டாடப்படுகிறது. இதனையொட்டி, ஏர் இந்தியா நிறுவனம் முக்கிய வழித்தடங்களில் இயங்கும் 3 விமானங்களில் முழுவதும் பெண் ஊழியர் களையே பணிக்கு நியமித்துள்ளது.

நியூயார்க், லண்டன், சிங்கப்பூர் செல்லும் 3 விமானங்களையும் பெண் விமானிகளே இயக்குகிறார்கள். பணிப்பெண்கள் உள்பட இந்த விமானத்தில் செல்லும் ஊழியர்கள் அனைவரும் பெண்களாகவே இருப்பார்கள் என்று ஏர் இந்தியா அதிகாரி ஒருவர் தெரிவித்தார்.

ஜெட் ஏர்வேஸ் கட்டண சலுமை

இதேபோல் ஜெட் ஏர்வேஸ் விமானத்தில் வெளிநாடு பயணம் செய்வதற்காக ‘ஆன்லைன்' மூலம் பதிவு செய்யும் பெண்களில், ஒவ்வொரு வகுப்பிலும் ஒருவருக்கு 5 சதவீத கட்டண சலுகை வழங்கப்படுகிறது. மேலும் உள்நாட்டு பயணத்துக்கு பதிவு செய்யும் பெண்களுக்கு 10 சதவீத கட்டண சலுகை வழங்கப்படும் என்று அந்த நிறுவனம் அறிவித்துள்ளது.

பரிசுகள் வழங்க முடிவு

இதேபோல் மகளிர் தினத்தையொட்டி, ஏர் பிரான்ஸ் விமானங்களில் நாளை பயணம் செய்யும் பெண்களுக்கு பரிசுகள் வழங்கப்படுகின்றன. மும்பை, டெல்லி, பெங்களுர் விமான நிலையங்களில் இதற்கான ஏற்பாடுகள் செய்யப்பட்டுள்ளன.

English summary

To mark International Women’s Day, Air India, is operating on an ultra long haul flight with an all-woman crew to Newyork, London and Singapore.