கற்பழிக்கப்பட்ட பெண் கோமாவுக்குப் போனால் குற்றவாளிக்கு மரண தண்டனை... வர்மா குழு பரிந்துரை

டெல்லி: பாலியல் வன்கொடுமை சட்டத் திருத்தம் தொடர்பாக பல்வேறு முக்கியப் பரிந்துரைகளை வர்மா குழு அரசுக்குப் பரிந்துரைத்துள்ளது. இதுகுறித்து இன்று மத்திய அமைச்சரவை கூடி விவாதித்து முடிவெடுக்கும் என்று தெரிவிக்பட்டிருந்தது. ஆனால் இன்று அமைச்சரவை கூடாது என்று தற்போது செய்திகள் தெரிவிக்கின்றன.

பாலியல் விவகாரங்களில் தற்போது 18ஆக உள்ள பெண்களின் வயது 16ஆக குறைக்கப்படுகிறது. பாலியல் குற்றங்கள் இனிமேல் கற்பழிப்பு என்றே அழைக்கப்படும் என்று வர்மா கமிஷன் கூறுகிறது. அதேசமயம், வர்மா கமிஷனின் சில பரி்ந்துரைகள அரசு ஏற்காது என்றும் கூறப்படுகிறது. மனைவி மீது கணவன் நடத்தும் கட்டாய பாலியல் உறவு பலாத்காரமாக கருதப்பட மாட்டாது. கற்பழிப்புக்கு ஆளாவோர் கோமா நிலைக்கு சென்றுவிட்டால், குற்றவாளிக்கு மரண தண்டனை விதிக்கும் வகையில் சட்டத் திருத்தம் செய்யப்பட இருக்கிறது. பெண்கள் மீதான ஆசிட் வீச்சுகள் பாலியல் குற்றங்களாக கருதப்படும்.

பாலியல் குற்றங்களை மறைக்கும் மருத்துவமனைகள் மீது கடும் நடவடிக்கை எடுக்கப்படும் என தெரிகிறது. அதே போல் பாலியல் குற்றங்களால் பாதிக்கப்படும் பெண்களின் வாக்குமூலங்கள் பெண் காவல் காவல் அதிகாரிகளால் மட்டுமே வாங்கப்பட வேண்டும் என்ற மாற்றமும் கொண்டு வரப்பட உள்ளது. மத்திய அமைச்சரவை ஒப்புதல் அளித்துடன் சட்டத் திருத்தம் மசோதா நாடாளுமன்றத்தில் தாக்கல் செய்யப்படும்.

இந்த பரிந்துரைகள் குறித்து மத்திய அமைச்சரவை இன்று கூடி விவாதிக்கும் என்று எதிர்பார்க்கப்பட்டது. இருப்பினும் மனமொத்த செக்ஸில் ஈடுபடுவதற்கான வயது குறைப்பு குறித்து அமைச்சர்கள் பலர் அதிருப்தி வெளியிட்டிருப்பதால் அமைச்சரவை கூடுவதற்கான வாய்ப்பில்லை என்று கூறப்படுகிறது.

தற்போது 18 வயதாக இருப்பதை 16 ஆக குறைக்க பரிந்துரைக்கப்பட்டுள்ளது. ஆனால் இதை 16க்கும் குறைவாக குறைக்க வேண்டும் என்று சட்ட அமைச்சகம் விரும்புகிறதாம். ஆனால் 18 வயதே இருக்க வேண்டும் என்று சில மூத்த அமைச்சர்கள் கருதுகிறார்களாம். 16 வயதாக அல்லது அதற்கும் கீழே குறைத்தால் டீன் ஏஜ் செக்ஸ் பிரச்சினை அதிகரித்து விடும். சமூகத்தில் குற்றச் செயல்கள் அதிகரிக்கவும் அது வழி வகுக்கும் என்பது இந்த அமைச்சர்களின் கருத்தாகும்.

இதன் காரணமாக இன்றைக்குள் அமைச்சரவை கூடி விவாதித்து முடிவெடுக்கும் வாய்ப்பில்லை என்று கூறப்படுகிறது.

English summary

The Union Cabinet will not review the new rape laws drafted by the government today, with ministries at odds over a recommendation on the lowering of the age of consent. The Home Ministry has suggested, in the Cabinet note it has drafted, that the age of consent be lowered from 18 to 16. The Law Ministry, sources said, wants it lowered to below 16. But there are others who have argued that even 18 to 16 should not be done. Sexual intercourse under the age of consent is considered statutory rape.