முரசொலிக்கு புதிய இணைய தளம் தொடக்கம்

சென்னை திமுகவின் அதிகாரப்பூர்வ நாளிதழான முரசொலிக்கு புதிய இணையதளம் உருவாக்கப்பட்டுள்ளது. அதை திமுக தலைவர் கருணாநிதி தொடங்கி வைத்தார்.

தமிழகத்தில் திமுக காலுன்றி ஆலமரமாய் வளர்வதற்கு முரசொலியும் ஒரு காரணம் எனலாம். கருணாநிதி இந்த நாளிதழில் எழுதும் கடிதம் முக்கியத்துவம் வாய்ந்தது. இதுவரை முரசொலியின் இணையதளம் பெரிய அளவில் மேம்படுத்தப்படாத ஒன்றாக இருந்து வந்தது.

கடந்த சட்டசபைத் தேர்தலில் திமுகவுக்கு இணையதளங்கள் ஊடாக நடந்த எதிர்மறைப் பிரசாரம்தான் தோல்விக்கான ஒரு காரணமாக கருதப்பட்டது. இதையடுத்து டிவிட்டர், பேஸ்புக் என அனைத்திலும் திமுக தலைவர் கருணாநிதி நுழைந்தார். தற்போது முரசொலியும் புதுப் பொலிவுடன் இணையதளத்திற்குள் காலடி எடுத்து வைத்துள்ளது.

முரசொலியின் இணையதளத்தை திமுக தலைவர் கருணாநிதி அண்ணா அறிவாலயத்தில் தொடங்கி வைத்தார். பொன்முடி, எஸ். முத்துச்சாமி உள்ளிட்டோர் அப்போது உடன் இருந்தனர்.

English summary

DMK president Karunanidhi launched a new website for Murasoli daily.