மோடி முன்னிலையில் பாஜகவில் ஐக்கியமாகும் குஜராத் காங். தலைவர் 'துப்பாக்கி' ராடாடியா!

ராஜ்கோட்: குஜராத் மாநில காங்கிரஸ் தலைவர்களில் ஒருவரான வித்தல் ராடாடியா மகனுடன் முதல்வர் நரேந்திர மோடி முன்னிலையில் பாரதிய ஜனதா கட்சியில் ஐக்கியமாகிறார்.

குஜராத் மாநிலம் சுங்கச் சாவடி ஒன்றில் துப்பாக்கியைக் காட்டி மிரட்டியதால் பரபரப்பாக பேசப்பட்டவர் வித்தல் ராடாடியா. அண்மையில் நடைபெற்ற குஜராத் சட்டசபை தேர்தலில் தமக்கு எதிர்க்கட்சித் தலைவர் பதவி கிடைக்கும் என எதிர்பார்த்திருந்தார். ஆனால் அவர் எதிர்பார்த்தது போல பதவி கிடைக்கவில்லை. இதனால் சில நாட்களுக்கு முன்பு தாம் பாஜகவில் இணையப் போவதாக அறிவித்தார்.

தொராஜியில் இன்று நடைபெறும் நிகழ்ச்சி ஒன்றில் முதல்வர் மோடி முன்னிலையில் பாரதிய ஜனதாவில் அவர் சேருகிறார். அவருடன், முன்னாள் எம்.எல்.ஏ வான அவரது மகன் ஜெயேஷ் மற்றும் முக்கிய பிரமுகர்கள் உட்பட பலர் பாஜகவில் இணைகின்றனர்.

English summary

Former Congress MP and farmers' leader from Saurashtra Vitthal Radadia, who had hit the headlines last year for brandishing a gun at a toll-booth, would be joining BJP in the presence of Gujarat Chief Minister Narendra Modi at a function at Dhoraji on Friday.