கல்வி, சுகாதாரத்திற்கு குறைவாக செலவளிக்கும் இந்திய குடும்பங்கள்

டெல்லி: ஜிடிபி தகவலின்படி இந்தியர்கள் படிப்பு மற்றும் ஆரோக்கியத்திற்கு மிகக் குறைந்த அளவே செலவளிக்கிறார்களாம். அதே சமயம் பயணம் மற்றும் வெளியே சென்று சாப்பிட அதிகம் செலவளிக்கிறார்களாம். மேலும் 2008-2009ல் இருந்தே கல்வி, ஆரோக்கிய செலவுகள், உணவுச் செலவுடன் சேர்த்து குறைந்து வருகிறதாம்.

2010-2011ம் ஆண்டில் இந்தியர்கள் செலவிட்ட மொத்த தொகையில் வெறும் 3.9 சதவீதம் தான் ஆரோக்கியத்திற்கு செலவளிக்கப்பட்டுள்ளது. இதுவே 2004-2005ல் 5 சதவீதமாக இருந்துள்ளது. இதே போன்று 2009-2010ல் 1..4 சதவீதமாக இருந்த கல்வி செலவு 2011-2012ல் 1.3 சதவீதமாக குறைந்துள்ளது. ஆனால் 2004-2005ல் கல்விச் செலவு 1.7 சதவீதமாக இருந்துள்ளது.

2010-11ல் 30.1 சதவீதமாக இருந்த உணவு செலவு 2011-2012ல் 29 சதவீதமாக குறைந்துள்ளது. இது தவிர உடைகள் மற்றும் காலணிகளுக்கான செலவும் குறைந்துள்ளது. இந்நிலையில் போக்குவரத்து, தொலைத்தொடர்பு, ஹோட்டல்களுக்கான செலவு அதிகரித்துள்ளது.

2010-2011ல் 2.3 சதவீதமாக இருந்த ஹோட்டல் செலவு 2011-2012ல் 2.6 சதவீதமாக அதிகரித்துள்ளது. போக்குவரத்துக்கான செலவு 8.1 சதவீதத்தில் இருந்து 2011-2012ல் 8.3 சதவீதமாக அதிகரித்துள்ளது.

இந்த துறைகளக்கான செலவு குறைந்துள்ளது நிபுணர்களுக்கு வியப்பை அளித்துள்ளது. கல்வி மற்றும் சுகாதாரம், ஆரோக்கியத்துக்கான செலவுகள் அதிகரிக்கும். ஆனால் தற்போது குறைந்துள்ளது குழப்பமாக உள்ளது என்று தேசிய புள்ளிவிவர ஆணைய தலைவர் ப்ரொணாப் சென் தெரிவித்தார்.

English summary

Acoording to the latest GDP data, Indian households are spending less for education and healthcare and more for travel and eating out.