இலங்கைக்கு எதிரான அமெரிக்க தீர்மானத்தை மலேசியா ஆதரிக்க ‘சுவராம்’ கோரிக்கை

கோலாலம்பூர்: இலங்கைக்கு எதிரான ஐக்கிய நாடுகள் சபையின் மனித உரிமைகள் ஆணையத்தில் அமெரிக்காவின் தீர்மானத்தை மலேசியா ஆதரித்து வாக்களிக்க வேண்டும் என்று அந்நாட்டின் மனித உரிமை அமைப்பான "சுவராம்" - ன் தலைவர் கே.ஆறுமுகம் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில், இலங்கையில் பள்ளிவாசல்கள் மீது தாக்குதல் நடத்தப்படுவது அதிகரித்துள்ளது. 1983 ஆம் ஆண்டிலிருந்து 2009 ஆம் ஆண்டு வரையிலும் பல்லாயிரக்கணக்கான பொதுமக்கள் படுகொலை செய்யப்பட்டுள்ளனர். இன்னும் பலர் முகாம்களில் வசிக்கின்றனர்.

இலங்கை மனித உரிமை மேம்பாட்டு விஷயங்களில் திருப்தி அடைய முடியாது என்று ஐக்கிய நாடுகள் சபையின் மனித உரிமை ஆணையம் சுட்டிக்காட்டியுள்ளது. இதனால் இலங்கைக்கு எதிராக மலேசியா வாக்களிக்க வேண்டும் என்று கேட்டுக் கொண்டிருக்கிறார்.

English summary

Suaram is pushing for Malaysia to vote in favour of a resolution against Sri Lanka at the United Nations Human Rights Council meeting because of worsening human rights conditions and attacks on mosques.