பாஜக மீதும் மக்களுக்கு அதிருப்தி இருக்கத்தான் செய்யுது..: ஒப்புக் கொள்கிறார் அத்வானி!

By Mathi

Published: Sunday, March 10, 2013, 10:04 [IST]

Subscribe to Oneindia Tamil

டெல்லி: பாரதிய ஜனதா கட்சி மீதும் மக்களுக்கு அதிருப்தி உள்ளது என்று அக்கட்சியின் மூத்த தலைவர் எல்.கே. அத்வானி கூறி உள்ளார்.

ஆங்கில வார ஏட்டு ஒன்றுக்கு அத்வானி அளித்த பேட்டியில், பாரதிய ஜனதா கட்சியைப் பொறுத்தவரை ஊழலை சகித்துக் கொள்ள மாட்டோம். ஆனால் கர்நாடகத்தில் எதியூரப்பா மீதான ஊழல் விவகாரத்தில் பாஜக கையாண்ட விதம் மிகுந்த ஏமாற்றத்தை அளித்தது.

தற்போது மத்தியில் ஆட்சியில் உள்ள காங்கிரஸ் தலைமையிலான ஐக்கிய முற்போக்கு கூட்டணி அரசின் மீது மக்கள் மிகுந்த வருத்தத்தில் இருக்கின்றனர், அதேபோல் சில வகைகளில் பாரதிய ஜனதா மீதும் மக்களுக்கு அதிருப்தி உள்ளது. இருப்பினும் பாரதிய ஜனதாவின் எதிர்காலம் குறித்து நம்பிக்கை இருக்கிறது என்றார் அவர்.

Published On March 10, 2013