அரசின் இலவச லேப்டாப் மூலம் போராட்டத்தை ஒருங்கிணைக்கும் மாணவர்கள்!

நெல்லை: சென்னை லயோலா கல்லூரி மாணவர்களுக்கு ஆதரவு தெரிவித்தும், இலங்கைக்கு எதிராக தீர்மானத்தை இந்தியா ஆதரிக்க வற்புறுத்தியும் தமிழகமெங்கும் போராட்டம் நடத்தி வரும் மாணவர்களுக்கு தமிழக அரசு வழங்கிய இலவச லேப்டாப்கள் பெரும் உதவியாக இருக்கின்றனவாம்.

இந்தப் போராட்டத்திற்கு ஏற்கனவே பேஸ்புக், டிவிட்டர் மூலம் பெருமளவில் ஆதரவு குவிந்து வருகிறது. பேஸ்புக்கில் தனியாகவே பக்கம் தொடங்கி விறுவிறுப்புடன் போராட்டத்தை ஒருங்கிணைத்து வருகின்றனர் ஆதரவாளர்கள்.

மேலும், தற்போது மாணவர்கள் நடத்தும் போராட்டம் உலகில் வாழும் தமிழர்க்க அனைவருக்கும் தெரிவதற்கு தமிழக அரசின் மடிக்கணினிதான் மிகவும் உதவியாக இருக்கிறதாம்.

தமிழக அரசு பிளஸ் ஒன், பிளஸ்டூ மற்றும் கல்லூரி மாணவர்களுக்கு இலவசமாக லேப்டாப்களை வழங்கி வருகிறது. இந்த லேப்டாப்கள்தான் தற்போது போராட்டக் களத்தில் உள்ள மாணவர்களிடம் புழங்கி வருகிறதாம். இவற்றின் உதவியுடன் உடனுக்குடன் செய்திகளை அப்டேட் செய்து வருகிறார்களாம் மாணவர்கள். மேலும் புகைப்படங்களையும் உடனுக்குடன் அப்லோட் செய்யவும் இது பேருதவி புரிகிறதாம்.

English summary

Agitating Tamil Nadu students are using Govt's free laptops for protest updates on the spot.