விமானத்தில் திடீர் சுகவீனம்...மருத்துவமனையில் கிம் கர்தஷியான் அனுமதி

பாரீஸ்: பாரீஸிலிருந்து லாஸ் ஏஞ்செலஸுக்கு விமானத்தில் வந்து கொண்டிருந்தபோது திடீரென சுகவீனமடைந்தார், கர்ப்பிணியான கிம் கர்தஷியான். இதையடுத்து விமானம் தரையிறங்கியதும் அவர் உடனடியாக மருத்துவமனைக்கு அழைத்துச் செல்லப்பட்டார்.

விமானத்தில் பயணித்தபோது திடீரென அசவுகரியமாக உணர்ந்துள்ளார் கிம். விமானம் லாஸ் ஏஞ்சலெஸ் வந்து சேரும் வரை அவருக்கு எந்தப் பிரச்சினையும் ஏற்படவில்லை. விமானம் லாஸ் ஏஞ்செலஸ் வந்ததும் தனது நண்பரை வரவழைத்தார் கிம். அதன் பின்னர் அவர் வந்து கிம்மை மருத்துவமனைக்கு அழைத்துச் சென்றார்.

மருத்துவமனைக்குள் நுழையும்போது அழுத கண்ணீருடன் கிம் காணப்பட்டதாக நேரில் பார்த்தவர்கள் கூறினார்கள். கிம்முக்கு என்ன பிரச்சினை என்பது தெரியவில்லை.

காதலர் கென்யே வேஸ்ட் மூலமாக தற்போது கர்ப்பமாக இருக்கிறார் 32 வயதான கிம் என்பது நினைவிருக்கலாம். கர்ப்பிணியாக இருந்தாலும் கடுமையான வேலைகளை தொடர்ந்து செய்தபடி அவர் இருக்கிறார். இதனால்தான் அவருக்கு அசவுகரியம் ஏற்பட்டிருக்கலாம் என்று கருதப்படுகிறது.

இதுகுறித்து டாக்டர் ஒருவர் கூறுகையில் தனது கர்ப்பத்தை மதிக்காமல் நடந்து கொள்கிறார் கிம். எப்போதும் ஓடிக் கொண்டிருக்கிறார். போதிய ஓய்வு எடுப்பதில்லை. இது தவறு என்றார்.

வீட்ல உட்கார்ந்து, அம்மா கிட்ட வாய்க்கு வேண்டியதை வாங்கிச் சாப்பிட்டு ரெஸ்ட் எடுக்க வேண்டாமா கிம்...?

English summary

Pregnant socialite Kim Kardashian was reportedly rushed to hospital after she felt uneasy during a flight. She was on her way here from Paris when she felt uneasy, and she called a friend the moment she landed.