ஸ்ரீநகரில் ஹிஸ்புல் முஜாஹிதீன் தீவிரவாத தாக்குதல்: 5 ஜவான்கள், 2 தீவிரவாதிகள் பலி

ஸ்ரீநகர்:

ஜம்மு காஷ்மீர் மாநிலம் ஸ்ரீநகர் அருகே உள்ள மத்திய ரிசர்வ் படை போலீஸ் முகாம் ஒன்றை இன்று காலை தீவிரவாதிகள் தாக்கினர். இதில் 5 ராணுவ வீரர்கள் பலியாகினர். இதையடுத்து பெமினா பகுதியில் உள்ள பள்ளி அருகே ராணுவத்தினருக்கும், தீவிரவாதிகளுக்கும் இடையே துப்பாக்கிச்சூடு நடந்து வருகிறது.

இதில் 2 தீவிரவாதிகள் சுட்டுக் கொல்லப்பட்டுள்ளனர். அங்கு மேலும் 4 தீவிரவாதிகள் இருக்கக்கூடும் என்று நம்பப்படுகிறது. இதையடுத்து பெமினா பகுதிக்கு கூடுதல் படை வரவழைக்கப்பட்டு தொடர்ந்து சண்டை நடந்து வருகிறது. முகாமை தாக்கிய பிறகு 2 தீவிரவாதிகள் தப்பித்துவிட்டனர் என்று கூறப்படுகிறது. இந்நிலையில் இந்த தாக்குதலுக்கு ஹிஸ்புல் முஜாஹிதீன் அமைப்பு பொறுப்பேற்றுள்ளது.

English summary

Terrorists attacked a CRPF camp at Bemina area in Srinagar on Wednesday morning. Five Jawans and two terrorists were killed. Hizbul Mujahideen claimed responsibility for this attack.