திமுகவுடன் பாஜக கூட்டணியா?சிந்திக்கவே இல்லையே: சொல்கிறார் இல. கணேசன்
வேலூர்: திமுகவுடன் கூட்டணி அமைப்பது பற்றி தமது கட்சி சிந்திக்கவே இல்லை என்று பாஜக மூத்த தலைவரான இல. கணேசன் தெரிவித்துள்ளார்.
வேலூரில் லோக்சபா தேர்தல் குறித்து ஆலோசனை நடத்திய பின்னர் செய்தியாளர்களிடம் பேசிய இல. கணேசன், ஈழத் தமிழர்கள் மறு வாழ்வுக்காகவும், அவர்கள் மீண்டும் தங்கள் சொந்த இடத்தில் சுதந்திரமாக வாழ ஏற்பாடு செய்வதும் இலங்கை அரசின் கடமை. இலங்கையில் நடத்தப்பட்ட போர் தவறானது. இனப்படு கொலையை நடத்தியுள்ளார் ராஜபக்சே. ராஜிவ் படுகொலையை காரணம் காட்டி ஒரு இனம் அழிக்கப்பட்டுள்ளது. இதற்கு காங்கிரஸ் தலைமையிலான ஐக்கிய முற்போக்கு கூட்டணி உதவி செய்துள்ளது.
தி.மு.க.வுடன் கூட்டணி அமைப்பது குறித்து பாஜக சிந்திக்கவே இல்லை. கொள்கை ரீதியில் இருகட்சிகளுக்கும் இடையே வேறுபாடுகள் உள்ளன. தி.மு.க.வும் எங்களுடன் கூட்டணி அமைப்பது குறித்து எந்த முடிவும் எடுக்கவில்லை என்றார்.