• search
For Quick Alerts
ALLOW NOTIFICATIONS  
For Daily Alerts

அதிமுகவில் ஐக்கியமா? புதிய தமிழகம் எம்.எல்.ஏ. ராமசாமி மறுப்பு!

By Mathi
|

சென்னை: புதிய தமிழகம் கட்சியை விட்டு வெளியேறி அதிமுகவில் தாம் இணையப் போவதாக வெளியான செய்திகளை அக்கட்சியின் எம்.எல்.ஏவான நிலக்கோட்டை ராமசாமி மறுத்துள்ளார்.

தேமுதிகவின் 5 எம்.எல்.ஏக்கள் அதிமுகவுக்கு ஆதரவு தெரிவித்து அணி மாறி இருக்கின்றனர். இந்த நிலையில் புதிய தமிழகம் கட்சியைச் சேர்ந்த நிலக்கோட்டை தொகுதி எம்.எல்.ஏ ராமசாமி அதிமுகவில் இணையப் போவதாக செய்திகள் வெளியாகி இருந்தன. ஆனால் இதனை மறுத்து ராமசாமி அறிக்கை ஒன்றை வெளியிட்டுள்ளார்.

அதில், நான் கடந்த 2011-ம் ஆண்டு நடந்த சட்டமன்ற பொதுத்தேர்தலில் புதிய தமிழகம் கட்சியின் சார்பாக நிலக்கோட்டை சட்ட மன்ற தொகுதியில் போட்டியிட்டு நிலக்கோட்டை சட்ட மன்ற உறுப்பினராக தேர்ந்தெடுக்கப்பட்டேன். கடந்த 10 ஆண்டுகளாக டாக்டர் கிருஷ்ணசாமி தலைமையிலான புதிய தமிழகம் கட்சியில் மாவட்ட பொறுப்பாளராக பணியாற்றி வருகின்றேன். இந்த நிலையில் நான் அ.தி.மு.க.வில் சேரப்போவதாக கற்பனையான செய்தி வெளிவந்துள்ளது. நான் புதிய தமிழகம் கட்சியில் சாதாரணத் தொண்டனாக பணியாற்றி கொண்டிருந்தபோது என்னை சட்டமன்ற உறுப்பினராக்கி அழகு பார்த்தவர் டாக்டர் கிருஷ்ணசாமி. நான் புதிய தமிழகம் கட்சிக்கும் அதன் தலைவர் டாக்டர் கிருஷ்ணசாமிக்கும் என்றும் விசுவாசமாக இருப்பேன். நான் கனவில் கூட புதிய தமிழகம் கட்சியை விட்டு விலகுவதை நினைத்துப் பார்த்ததில்லை என்று கூறியுள்ளார்.

 
 
 
English summary
Puthiya Thamizhagam party's MLA Nilakkottai Ramasamy has denied the story on to join the ADMK
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X