குஜராத் வளர்ச்சிக்கு மோடி ஒன்றும் காரணம் இல்லை: திக்விஜய் சிங் சாடல்

நாக்பூர்: குஜராத் மாநிலத்தின் வளர்ச்சிக்கு அம்மாநில முதல்வர் நரேந்திர மோடி காரணம் இல்லை என்று காங்கிரஸ் பொதுச் செயலாளர் திக்விஜய் சிங் தெரிவித்துள்ளார்.

காங்கிரஸ் பொதுச் செயலாளர் திக்விஜய் சிங் மகாராஷ்டிராவில் செய்தியாளர்களுக்கு பேட்டி அளித்தார். அப்போது அவர் குஜராத்தின் வளர்ச்சிக்கு அதன் முதல்வர் நரேந்திர மோடி தான் காரணம் என்று கூறுவதை விமர்சித்தார். மேலும் குஜராத் மாநிலம் எப்பொழுதுமே வளர்ச்சியில் முன்னிலையில் இருந்தது என்றும், இந்த வளர்ச்சி ஒன்றும் ஒரே இரவில் அடையப்படவில்லை என்றும் அவர் கூறினார்.

காங்கிரஸ் கட்சியின் பிரதமர் வேட்பாளராக ராகுல் காந்தி ஆக்கப்படுவாரா என்று கேட்டதற்கு, நாட்டு மக்கள் ராகுல் பிரதமர் வேட்பாளராக வேண்டும் என்று விருப்பப்படுகின்றனர் என்றார்.

திக்விஜய் சிங் மோடியை விமர்சிப்பது இது ஒன்றும் முதல் முறையல்ல என்பது குறிப்பிடத்தக்கது.

English summary

Congress general secretary Digvijay Singh told that Gujarat CM Narendra Modi is not responsible for his state's growth.