ஐபிஎல் வந்தாவே இந்த ஷாருக்கிற்கு என்னதான் ஆகுமோ?

மும்பை: ஐபிஎல் போட்டிகளின்போது அக்ஷய் குமாரின் ஒன்ஸ் அபான் எ டைம் இன் மும்பை 2 படத்தை விளம்பரம் செய்ய முடியாமல் செய்துள்ளார் ஷாருக்கான்.

ஐபிஎல் 6வது சீசன் நேற்று கலை நிகழ்ச்சிகளுடன் கோலாகலமாகத் துவங்கியது. ஐபிஎல் போட்டிகளை ஏராளமானோர் கண்டு களிப்பார்கள் என்பதால் போட்டிகளின்போது படங்களை விளம்பரம் செய்ய நடிகர்கள் விரும்புகின்றனர். அதற்கு இந்தி நடிகர் அக்ஷய் குமாரும் விதிவிலக்கல்ல. அக்ஷய் குமார் நடித்துள்ள ஒன்ஸ் அபான் எ டைம் இன் மும்பை 2 படமும் ஷாருக்கானின் சென்னை எக்ஸ்பிரஸ் படமும் ரம்ஜான் பண்டிகை அன்று ரிலீஸாகின்றன.

இந்நிலையில் அக்ஷய் பட தயாரிப்பாளர்கள் ஐபிஎல் போட்டிகளின் போது தங்கள் படத்தை விளம்பரம் செய்வது குறித்து போட்டி ஏற்பாட்டாளர்களிடம் பேசியுள்ளனர். இதற்கிடையே இது குறித்து அறிந்த ஷாருக் தனது படம் வெளியாகும் அதே நாளில் ரிலீஸாகும் அக்கியின் படத்திற்கு ஐபிஎல் போட்டிகளின்போது விளம்பரம் தேட முடியாதபடி செய்துவிட்டார் என்று கூறப்படுகிறது.

ஷாருக்கான் கொல்கத்தா நைட் ரைடர்ஸ் அணியின் உரிமையாளர் ஆவார் என்பது குறிப்பிடத்தக்கது. ஒவ்வொரு ஐபிஎல் சீசனிலும் ஷாருக் ஏதாவது செய்து சர்ச்சையில் சிக்குவது வழக்கமாகிவிட்டது. இந்த சீசனில் இது ஆரம்பம் தான், இன்னும் என்னென்ன அக்கப்போரெல்லாம் பண்ணவிருக்கிறாரோ?

English summary

Buzz is that Kolkata Knight Riders owner, actor Shahrukh managed to keep Akshay Kumar's Once uopn a time in Mumbai 2 away from the IPL 6 tournament. Akki's movie is getting released on Eid the same day Shahrukh's Chennai Express is hitting the screens.