இளவரசரஸ் வில்லியம்ஸ் கொடுத்த முத்தம்… வெட்கப்பட்டு விலகிய சிறுமி!

ஸ்காட்லாந்து: இங்கிலாந்து இளவரசர் வில்லியம்ஸ் கொடுத்த முத்தத்தை 4 வயது சிறுமி ஒருவர் ஏற்றுக் கொள்ளாமல் வெட்கப்பட்டு ஒதுங்கிய சம்பவம் பரபரப்பை ஏற்படுத்தியது.

இளவரசர் வில்லியம் தனது மனைவி மிடில்டனுடன் ஸ்காட்லாந்தில் இரண்டு நாள் சுற்றுப் பயணம் மேற்கொண்டுள்ளார். அவர்கள் இருவரும் கிளாஸ்கோவில் அமைந்துள்ள எமிரேட்ஸ் அரினா விளையாட்டு அரங்கை சுற்றிப் பார்த்தனர். பின்னர் அங்கு கூடியிருந்த மக்களுடன் உரையாற்றியுள்ளனர்.

அப்போது சோனா ரிட்சி என்ற 4 வயது சிறுமி, வில்லியம்ஸ்க்கு ரோஜா ஒன்றை பரிசளித்துவிட்டு முத்தம் கேட்டாள். உடனே வில்லியம், உனக்கு முத்தம் வேண்டுமா என்று கேட்டவாரே, கன்னத்தில் முத்தமிட குனிந்தார். ஆனால் அந்தக் குழந்தைக்கு வெட்கம் வந்துவிட்டது. உடனே முத்தத்தை ஏற்காமல் முகத்தை விலகிக்கொண்டது. இதனை சற்றும் எதிர்பாராத இளவரசர் உட்பட அங்கு கூடியிருந்தோர் அனைவரும் சிரித்துவிட்டனர்.

தற்போது 5 மாத கர்ப்பிணியாக இருக்கும், மிடில்டனுக்கு பிறக்கப்போகும் குழந்தைக்கு என்ன பெயர் சூட்டப் போகிறீர்கள் என்று மக்கள் ஆர்வமாக கேட்டனர். ஆனால் அதற்கு அவர் பதிலளிக்க மறுத்துவிட்டார்.

English summary

The four-year-old asked for a kiss. When the Prince agreed, she changed her mind.