போனது கார் ரெய்டுக்கு.. சிக்கியது விஐபி வாரிசு பற்றிய ஏகப்பட்ட ரெக்கார்டுகள்!

சென்னை: திமுக பொருளாளர் மு.க .ஸ்டாலின் வீடு உள்ளிட்ட பல இடங்களில் அண்மையில் சிபிஐ சோதனை நடத்திய போது விஐபி வாரிசு ஒருவர் பற்றிய சில விஷயங்களும் சிக்கியதாம்.

மதுபான தொழிலில் ஈடுபட்டு அரசியலில் ஏற்றம் பெற்றிருக்கும் அந்த விஐபியின் வாரிசுக்கு சிங்கப்பூரில் வேறு ஒரு தொழிலுக்கு அலுவலகம் அமைக்கப்பட்டிருப்பது சிபிஐக்கு கிடைத்த முதல் தகவல்.

2-வதாக தமிழகக் கோட்டை பிரதிநிதி ஒருவரது வாரிசுடன் இணைந்து இந்த விஐபி வாரிசு சிங்கப்பூரில் அடிக்கடி 'உலா' போவதாகவும் கூடுதல் தகவல் கிடைத்திருக்கிறது.

அத்துடன் இன்னொரு அதிர்ச்சிக்குரிய தகவலும் கிடைத்திருக்கிறதாம். எதிரிக் கட்சியில் இருக்கும் அந்த விஐபியின் வாரிசுக்கு தற்போதைய ஆட்சியில் செம சலுகையாம். அந்த கோட்டை லிங்க்கில் அந்த விஐபி வாரிசு காட்டில் மழையாம்.

முந்தைய திமுக ஆட்சியில் டாஸ்மார்க் ஆர்டர்கள் குறைவாகத்தான் கிடைத்ததாம். ஆனால் தற்போது கூடுதலான ஆர்டர்கள் கொட்டுகிறதாம். இவை அனைத்தையும் சேகரித்து வைத்து ஆராய்ந்து கொண்டிருக்கிறதாம் சிபிஐ.

English summary

The CBI's recent raid on evasion of car import duty the team got more details about the VIP's sons foreign links.