தங்கம் விலை ஒரு சவரனுக்கு ரூ.752 குறைந்தது

சென்னை: சென்னையில் ஆபரணத் தங்கத்தின் விலை ஒரே நாளில் சவரனுக்கு ரூ.752 குறைந்துள்ளதால் நகை வாங்குவோர் மகிழ்ச்சியடைந்துள்ளனர்.

கடந்த ஆண்டு டிசம்பர் மாதத்தில் ஒருசவரன் ஆபரணத்தங்கம் 24 ஆயிரம் ரூபாய்க்கு மேல் விற்பனையானது. பின்னர் படிப்படியாக குறைந்தது. ஏப்ரல் 6ம் தேதி ஒரு சவரன் ரூ.22 ஆயிரத்து 240 ஆக விற்பனையானது. அதுவே 11-ந்தேதி 22 ஆயிரத்து 80 ஆக குறைந்தது

இந்த நிலையில் வெள்ளிக்கிழமை ஒரு சவரனுக்கு ரூ.352 குறைந்து ரூ.21 ஆயிரத்து 728 ஆக விற்றது. இன்று அதிரடியாக ஒரே நாளில் ரூ.752 குறைந்துள்ளது.

தற்போது ஒரு கிராம் தங்கம் ரூ.2622-க்கும், ஒரு சவரன் ரூ.20 ஆயிரத்து 976 ஆகவும் விற்பனையாகிறது. சர்வதேச சந்தையில் ஏற்பட்டுள்ள விலை வீழ்ச்சியே தங்கம் விலை குறைவுக்கு காரணமாக கூறப்படுகிறது.

வெள்ளி விலையும் கிலோவுக்கு ரூ.2225 குறைந்துள்ளது. ஒரு கிலோ ரூ.49 ஆயிரத்து 565 ஆகவும், ஒரு கிராம் ரூ.49.56 ஆகவும் உள்ளது. தங்கம், வெள்ளி விலை குறைந்து வருவதால் புதிதாக நகை வாங்குவோர் மகிழ்ச்சியடைந்துள்ளனர்.

English summary

One sovereign gold costs Rs. 752 lesser than the yesterday price(Rs.21,728). Increase in demand for oil paves way for the decrease in the price of the precious metal.