அமெரிக்க ’அந்நியன்’ கர்டிஸ்!: விஷக் கடிதம் அனுப்பி சிக்கிய குற்றவாளி... சுவாரஸ்ய தகவல்கள்

மிஸிஸிபி: அமெரிக்க அதிபர் ஒபாமா, செனட் உறுப்பினர் உள்ளிட்டோருக்கு விஷம் தடவிய கடிதங்களை அனுப்பி கைதான நபர் வில்லங்கமான பின்னணி கொண்டவர் எனத் தெரிய வந்துள்ளது.

இவர் தன்னை மறைந்த பாப் பாடகர் எல்விஸ் பிரஸ்லி என்று கூறி மோசடி செய்தவராம். அதேபோல அமெரிக்க அரசு தன்னை டுரோன்களை ஏவி உளவு பார்ப்பதாக கூறி வந்தாராம். மேலும் பல சர்ச்சைக்குரிய செயல்களில் ஈடுபட்டு வந்தவர் என்று அவரை அறிந்தவர்களும், கோர்ட் ஆவணங்களும் தெரிவிக்கின்றன.

விஷம் தடவிய கடிதங்களை அனுப்பிக் கைதான நபரின் பெயர் பால்கெவின் கர்டிஸ். 45 வயதாகும் இவர் நேற்று ஆக்ஸ்போர்ட் கோர்ட்டில் ஆஜர்படுத்தபப்பட்டார். அவரது வழக்கறிஞர் கிறிஸ்டி மெக்காய் வாதிடுகையில், தனது கட்சிக்காரர் இந்தக் குற்றத்தை 100 சதவீதம் செய்யவில்லை என்றார்.

மெம்பிஸ் அருகே புதன்கிழமை மாலை கைது செய்யப்பட்டார் கர்டிஸ் என்பது குறிப்பிடத்தக்கது.

கர்டிஸ் ஒரு சர்ச்சைக்கிடமான ஆசாமி என்று அவனை அறிந்தவர்கள் கூறுகிறார்கள். முன்பு ஒருமுறை இவர் தன்னை எல்விஸ் பிரஸ்லி என்றுகூறி மோசடி செய்வதவராம். இவருக்கு லேசான மன நல பிரச்சினையும் இருந்து வருகிறதாம். தான் செய்வது என்ன என்று தெரியாமல் பலகாரியங்களைச் செய்வாராம். 10 வருடங்களுக்கு முன்பு கூட அவர் ஒரு வழக்கில் சிக்கினாராம்.

74 வயதான கர்டிஸின் தந்தை ஜேக்கூறுகையில், எனது மகனுக்கு இரு வேறுபட்ட மன நிலை உள்ளது. ஆனால்இதுவரை அவன் வன்முறையாக நடந்து கொண்டதில்லை. எனவேதான் அவன் கடிதங்களில் ரைசின் தடவி அதிபருக்கும், பிறருக்கும்க டிதம் அனுப்பினான் என்பதை எங்களால் நம்ப முடியவில்லை. அவனுக்கு ரைசின் என்றால் என்ன என்றே தெரியாது. ஏன்,அது எங்கு கிடைக்கும் என்பது கூட தெரியாது என்றார் அவர்.

தன்னுடைய இணையதள பக்கத்தில் தன்னைப் பற்றி கர்டிஸ் கூறுகையில், தொழிலதிபர், புரட்சிவாதி, பாடகர், தொண்டர்,பாடலாசிரியர் என விதம் விதமாக வர்ணித்துள்ளார்.

2000ம் ஆண்டு முதல் இதுவரை அவர் 4 முறை கைது செய்யப்பட்டுள்ளாராம். இவர் இதற்கு முன்பு வசித்து வந்த பிரன்டிஸ் கவுண்டியின் ஷெரீப் ரான்டி டோலர் கூறுகையில், நான் ஷெரீப் ஆனது முதலே கர்டிஸைப் பார்த்து வருகிறேன். அவருக்கு இதுதான் வேலை. மிகவும் வினோதமான நபர் அவர். இம்முறை எல்லை தாண்டி விட்டார் என்றார்.

English summary

The Mississippi man charged with threatening the lives of President Obama, a U.S. senator and a Mississippi judge by mailing them poison-laced letters had grandiose ambitions as an Elvis impersonator, believed that government drones were spying on him and harbored conspiracy theories about black-market trafficking in human body parts, according to court documents and people who know him.