• search
For Quick Alerts
ALLOW NOTIFICATIONS  
For Daily Alerts

அமெரிக்க விருந்தில் ஒபாமாவை மீண்டும் சந்திக்கிறார் அமீர்கான்?

By Mathi
|
Aamir Khan to meet US President Barack Obama again?
மும்பை: டைம் பத்திரிகையின் 100 பிரபலங்களில் ஒருவராக தேர்ந்தெடுக்கப்பட்டுள்ள பாலிவுட் நடிகர் அமீர்கான் அமெரிக்காவில் நடைபெற இருக்கும் பிரபலங்கள் விருந்தில் கலந்து கொண்டு அந்நாட்டு அதிபர் ஒபாமாவை சந்திக்கக் கூடும் என்று செய்திகள் வெளியாகி இருக்கின்றன.

டைம் பத்திரிகை 2013ம் ஆண்டின் உலக அளவிலான 100 பிரபலங்களின் பட்டியலை அண்மையில் வெளியிட்டிருந்தது. இதில் இந்தியாவைச் சேர்ந்த பாலிவுட் நடிகர் அமீர்கான், நிதி அமைச்சர் ப.சிதம்பரம் ஆகியோர் பெயர் இடம்பெற்றிருந்தது. இந்தப் பட்டியலில் அமெரிக்க அதிபர் ஒபாமா, அவரது மனைவி மிச்சேல் ஒபாமா, பாகிஸ்தானின் மலாலா ஆகியோரது பெயரும் இடம்பெற்றுள்ளது. கடந்த ஆண்டு தொலைக்காட்சிகளில் நடத்திய சத்யமேவ ஜெயதேவுக்காக அமீர்கானை பிரபலங்களில் ஒருவராக டைம் இதழ் தேர்வு செய்திருக்கிறது.

டைம் பத்திரிகை தேர்ந்தெடுத்திருக்கும் பிரபலங்கள் கலந்து கொள்ளும் விருந்து நிகழ்ச்சி நியூயார்க்கில் நடைபெற உள்ளது. இந்த விருந்தில் அமீர்கானும் கலந்து கொள்ள இருக்கிறார், இதற்காக தற்போது அமீர்கான் நடித்து வரும் தூம்-3 படப் பிடிப்புக் குழுவினரிடம் 3 நாள் லீவ் கேட்டிருக்கிறார்.கடந்த 2010ஆம் ஆண்டு இந்தியாவுக்கு ஒபாமா வருகை தந்த போது அமீர்கான் அவரை சந்தித்துப் பேசினார். அப்போது அமீர்கானை அமெரிக்காவுக்கு அழைத்திருந்தார் ஒபாமா. கடந்த பிப்ரவரி மாதம் இந்தியா வருகை தந்திருந்த இங்கிலாந்து பிரதமர் டேவிட் கேம்ரூனையும் அமீர்கான் சந்தித்துப் பேசியிருந்தார்.

தற்போது டைம் பத்திரிகை நடத்த இருக்கும் பிரபலங்கள் விருந்தில் கலந்து கொள்வதன் மூலம் ஒபாமாவை 2வது முறையாக ஆமீர்கான் சந்திக்க இருக்கிறார்.!

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Aamir Khan, who featured on the cover of Time magazine’s Most Influential People list in the world this year, may meet the President of the United States of America, Barack Obama.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more