அமெரிக்க விருந்தில் ஒபாமாவை மீண்டும் சந்திக்கிறார் அமீர்கான்?
டைம் பத்திரிகை 2013ம் ஆண்டின் உலக அளவிலான 100 பிரபலங்களின் பட்டியலை அண்மையில் வெளியிட்டிருந்தது. இதில் இந்தியாவைச் சேர்ந்த பாலிவுட் நடிகர் அமீர்கான், நிதி அமைச்சர் ப.சிதம்பரம் ஆகியோர் பெயர் இடம்பெற்றிருந்தது. இந்தப் பட்டியலில் அமெரிக்க அதிபர் ஒபாமா, அவரது மனைவி மிச்சேல் ஒபாமா, பாகிஸ்தானின் மலாலா ஆகியோரது பெயரும் இடம்பெற்றுள்ளது. கடந்த ஆண்டு தொலைக்காட்சிகளில் நடத்திய சத்யமேவ ஜெயதேவுக்காக அமீர்கானை பிரபலங்களில் ஒருவராக டைம் இதழ் தேர்வு செய்திருக்கிறது.
டைம் பத்திரிகை தேர்ந்தெடுத்திருக்கும் பிரபலங்கள் கலந்து கொள்ளும் விருந்து நிகழ்ச்சி நியூயார்க்கில் நடைபெற உள்ளது. இந்த விருந்தில் அமீர்கானும் கலந்து கொள்ள இருக்கிறார், இதற்காக தற்போது அமீர்கான் நடித்து வரும் தூம்-3 படப் பிடிப்புக் குழுவினரிடம் 3 நாள் லீவ் கேட்டிருக்கிறார்.கடந்த 2010ஆம் ஆண்டு இந்தியாவுக்கு ஒபாமா வருகை தந்த போது அமீர்கான் அவரை சந்தித்துப் பேசினார். அப்போது அமீர்கானை அமெரிக்காவுக்கு அழைத்திருந்தார் ஒபாமா. கடந்த பிப்ரவரி மாதம் இந்தியா வருகை தந்திருந்த இங்கிலாந்து பிரதமர் டேவிட் கேம்ரூனையும் அமீர்கான் சந்தித்துப் பேசியிருந்தார்.
தற்போது டைம் பத்திரிகை நடத்த இருக்கும் பிரபலங்கள் விருந்தில் கலந்து கொள்வதன் மூலம் ஒபாமாவை 2வது முறையாக ஆமீர்கான் சந்திக்க இருக்கிறார்.!
Click it and Unblock the Notifications
Sign in with Google