அந்தியூரில் அதிமுக எம்.எல்.ஏ அலுவலகம் தீவைத்து எரிப்பு

அந்தியூர்: ஈரோடுமாவட்டம் அந்தியூர் அதிமுக எம்.எல்.ஏ. பரணீதரன் அலுவலகத்திற்கு சிலர் தீவைத்து விட்டனர். இதையடுத்து தீயணைப்பு வீரர்கள் கடுமையாக போராடி தீயை அணைத்தனர்.

அந்தியூர் சட்டசபைத் தொகுதி அதிமுக எம்.எல்.ஏ. பரணீதரன். இவரது தொகுதி உறுப்பினர் அலுவலகம் அந்தியூரில் உள்ளது. அந்த அலுவலகத்திற்கு இன்று காலை சிலர் தீவைத்து விட்டனர். இதையடுத்து அலுவலகம் தீப்பிடித்து எரிந்தது.

உடனடியாக தீயணைப்பு வீரர்கள் அங்கு விரைந்து வந்து கடுமையாக போராடி தீயை அணைத்தனர்.

தீவைத்த விஷமி யார் என்பது குறித்து போலீஸார் தீவிர விசாரணை நடத்தி வருகின்றனர்.

English summary

Anthiyur ADMK MLA Bharanitharan's office was gutted in fire today. Police are searching the miscreants who torched the office.