இதத் தடவுங்க பாஸ்... இனிமே யாரும் உங்கள ‘சொட்டை’னு சொல்ல மாட்டாங்க
பாரீஸ்: பிரான்ஸில் வழுக்கை தலையை போக்க புதிய ‘கிரீம்' ஒன்றை பியூட்டி சலூன்காரர் ஒருவர் கண்டு பிடித்துள்ளார்.
முன்பெல்லாம் வயதானால் தான் தலை முடி உதிர்தல், வழுக்கை தலை போன்ற பிரச்சினைகளுக்கு ஆளாவார்கள் ஆண்கள். ஆனால் இப்போதெல்லாம் வயது வித்தியாசமின்றி இளவயதிலேயே இது பல ஆண்களுக்கு பிரச்சினையாக இருக்கிறது.
இதனால் கேலி பேச்சுக்கு ஆளானால் கூட பரவாயில்லை, பலருக்கு திருமண வாய்ப்புகளே தடைபட்டு போகின்ற சோகமும் உண்டு.
புது க்ரீம்...
இந்த குறைபாட்டை போக்க பாரீஸ் நகரில் செயல்படும் அழகுசாதன பொருட்களை விற்கும் பிரபல நிறுவனம் புதுமையான ‘கிரீம்' ஒன்றை அறிமுகம் செய்கிறார்கள்.
புது முடி வளரும்...
இது தலைமுடி உதிர்வதை தடுத்து நிறுத்துவதுடன், வழுக்கை தலையாக இருந்தாலும் புதிய முடியை அடர்த்தியாக வளர வைக்கும் என உறுதி கூறுகிறார்கள்.
சும்மா, 23,000 ஆயிரம் தான்...
இந்த புதுமையான கிரீமை இவ்வாரம் சலூன்களுக்கு சப்ளை செய்ய இருக்கிறார்கள். இதன் விலை சுமார் ரூ.22,800 (285 பவுண்ட்) ஆகும்.
வரப்பிரசாதம்...
வழுக்கை தலைக்காரர்களுக்கு இந்த க்ரீம் ஒரு வரப்பிரசாதம் என வல்லுனர்கள் கருத்து தெரிவித்துள்ளனர்.
so, 'சோ' மாதிரி தலையை வைத்திருப்பவர்களின் 'சோகத்த' இது போக்கும் என்று நம்பலாம்!