என் அண்ணி கேட்டுக்கு ஆண் குழந்தை பிறக்கப் போகிறது: உளறி கொட்டிய இளவரசர் ஹாரி

லண்டன்: இங்கிலாந்து இளவரசியும், தனது அண்ணியுமான கேட் மிடில்டன்னுக்கு ஆண் குழந்தை பிறக்கப் போகிறது என்று இளவரசர் ஹாரி தெரிவித்துள்ளார்.

கடந்த 2011ம் ஆண்டு இங்கிலாந்து இளவரசர் வில்லியம் தனது காதலியான கேட் மிடில்டன்னை மணந்தார். கேட் தற்போது கர்ப்பமாக உள்ளார். அவருக்கு பிறக்கப் போவது ஆண் குழந்தையா, பெண் குழந்தையா என்று ஆளாளுக்கு யூகித்துக் கொண்டிருந்தனர். இந்நிலையில் இளவரசர் ஹாரி பார்ப்பவர்களிடம் எல்லாம் வில்லியம் மற்றும் கேட்டுக்கு ஆண் குழந்தை பிறக்கப்போகிறது என்று கூறி வருகிறாராம்.

ராஜ குடும்பம் மொத்தமும் ஆண் குழந்தை பிறக்கப் போகும் சந்தோஷத்தில் உள்ளது. கேட்டுக்கு ஆண் குழந்தை தான் விருப்பம். ராஜ குடும்பத்தாருக்கு நெருங்கியவர்களுக்கு கேட்டுக்கு ஆண் குழந்தை தான் பிறக்கப் போகிறது என்பது தெரியும். அதனால் அவர்கள் அதற்கு ஏற்ப பரிசுப் பொருட்கள் வாங்க துவங்கிவிட்டனர் என்று கூறப்படுகிறது.

ஆனால் இது குறித்து வில்லியம் மற்றும் கேட் இதுவரை எதுவுமே தெரிவிக்கவில்லை. அவர்கள் இருவரும் குழந்தைக்கு பெயர் தேடிக் கொண்டிருக்கிறார்களாம். அதை அவர்கள் ஹாரி உள்பட யாரிடமும் இப்போதைக்கு தெரிவிக்கப் போவதில்லையாம்.

English summary

Prince Harry has reportedly revealed the sex of Duke and Duchess of Cambridges first child, saying it will be a boy and that he is excited about welcoming his first nephew. And while Prince Williams and Duchess of Cambridge, whose maiden name is Kate Middleton, have made no official comment about the baby due in mid-July, Harry has found it hard to keep the secret.