கஞ்சா அடிப்பது எப்பூடி..? அமெரிக்காவில் கற்றுத் தருகிறார்கள்!
நிவேடா: கஞ்சா உள்ளிட்ட போதைப் பொருட்களை மருத்துவ ரீதியில் பயன்படுத்துவது என்று அமெரிக்காவின் பல மாகாணங்கள் முடிவெடுத்துள்ளன. அதில் நிவேடாவைச் சேர்ந்த ஒரு கல்வி நிறுவனம் கஞ்சா உள்ளிட்டவற்றை எப்படி வளர்ப்பது, பயன்படுத்துவது என்பது குறித்து பாடமே எடுக்க முடிவு செய்துள்ளது.
ஹென்டர்சன் நகரில் உள்ளது கன்னாபிஸ் கேரியர் இன்ஸ்டிடியூட் நிறுவனம். இந்த நிறுவனத்திற்குட்பட்ட பள்ளிக்கூடம்தான் தி பட்டென்டர் ஸ்கூல். இங்குதான் தற்போது கஞ்சா உள்ளிட்ட போதை வஸ்துக்களைத் தரும் தாவரங்களை வளர்ப்பது எப்படி, அதை மருத்துவ ரீதியாக பயன்படுத்துவது எப்படி என்ற பாடம் கற்றுத் தரப் போகிறார்கள்.
தற்போது 40 மாணவர்களுக்கு மரிஜுவானா உள்ளிட்டவற்றை வளர்ப்பது எப்படி, அதை பயன்படுத்துவது எப்படி என்பது குறித்த அடிப்படைப் பாடத்தைக் கற்றுக் கொடுத்து வருகிறார்களாம் இப்பள்ளியில்.
சமீபத்தில்தான் நிவேடா மாகாண சட்டசபையில், மரிஜூவானாவை மருத்துவ ரீதியாக பயன்படுத்த சம்மதம் தெரிவித்து ஒரு சட்ட மசோதா நிறைவேற்றப்பட்டது என்பது நினைவிருக்கலாம்.
மேலும் கடந்த நவம்பர் மாதம் கொலராடோ மற்றும் வாஷிங்டனிலும் மரிஜூவானா பயன்பாட்டை சட்டப்பூர்வமாக்க மக்கள் வாக்களித்தனர் என்பது நினைவிருக்கலாம்.
Click it and Unblock the Notifications
Sign in with Google