கட்சி பார்ட்டியில் நிர்வாணமாக நடனமாடிய காங்கிரஸ் மாணவரணி மும்பை தலைவர் சஸ்பெண்ட்

மும்பை: காங்கிரஸ் கட்சியின் மாணவரணியான நேஷனல் ஸ்டூடண்ட்ஸ் யூனியன் ஆஃப் இந்தியாவின் மும்பை பிரிவின் தலைவர் கட்சி நிகழ்ச்சி ஒன்றில் குடித்துவிட்டு நிர்வாணமாக ஆடியதற்காக சஸ்பெண்ட் செய்யப்பட்டுள்ளார்.

மகாரஷ்டிரா மாநிலம் மும்பையின் புறநகர் பகுதியான கன்டிவ்லியில் கடந்த மாதம் காங்கிரஸ் கட்சியின் மாணவரணியான நேஷனல் ஸ்டூடண்ட்ஸ் யூனியன் ஆஃப் இந்தியாவின் முகாம் ஒன்று நடந்தது. கடந்த 14ம் தேதி அந்த முகாமில் நடந்த விழா ஒன்றில் மாணவர் அணியின் மும்பை பிரிவு தலைவரான சூரஜ் சிங் தாகூர் நிர்வாணமாக நடனமாடிய வீடியோ யூடியூப்பில் வெளியாகி பெரும் பரபரப்பை ஏற்பட்டது. தற்போது அந்த வீடியோ யூடியூப்பில் இருந்து நீக்கப்பட்டுள்ளது.

அவர் குடிபோதையில் நிர்வாணமாக ஆடியதாக கூறப்படுகிறது. இதையடுத்து சூரஜ் மற்றும் அவருடன் சேர்ந்து குடித்துவிட்டு ஆடிய இரண்டு மாணவரணி நிர்வாகிகள் நேற்று சஸ்பெண்ட் செய்யப்பட்டுள்ளனர். இந்த விவகாரம் குறித்து விசாரணை நடத்தி முடித்த பிறகு சஸ்பெண்ட் செய்யப்பட்டவர்கள் டிஸ்மிஸ் செய்யப்படலாம் என்று கூறப்படுகிறது.

ஏற்கனவே பல்வேறு பிரச்சனைகளில் சிக்கியுள்ள காங்கிரஸ் கட்சிக்கு இந்த சம்பவம் அதிரிச்சியை அளித்துள்ளது. கடந்த டிசம்பர் மாதம் தான் சூரஜ் மாணவர் அணியின் மும்பை பிரிவு தலைவராக மீண்டும் தேர்வு செய்யப்பட்டார். முன்னாள் பிரதமர் ராஜீவ் காந்தி கொலை வழக்கில் தூக்கு தண்டனை பெற்ற பேரறிவாளன் எழுதிய புத்தகத்தை எதிர்த்து 2011ம் ஆண்டில் போராட்டம் நடத்தியதன் மூலம் பிரபலமானவர் சூரஜ் சிங் தாகூர் என்பது குறிப்பிடத்தக்கது.

English summary

Congress party's student wing National Students Union of India's (NSUI) Mumbai unit chief was suspended for allegedly dancing naked at a party function in the Mumbai suburb of Kandivli last month.