பெங்களூரில் பழைய எம்எல்ஏக்களே மீண்டும் வெற்றி: தமிழர் தொகுதிகள் காங்கிரஸ் வசம்!

பெங்களூர்: கர்நாடக சட்டமன்றத் தேர்தலில் பெங்களூரில் பெரும்பாலான தற்போதைய எம்எல்ஏக்களே மீண்டும் வெற்றி பெற்றுள்ளனர்.

பெங்களூர் நகரில் மொத்தம் 28 தொகுதிகள் உள்ளன. இதில் 20 தொகுகளின் எம்எல்ஏக்கள் மீண்டும் வெற்றி பெற்றுள்ளனர்.

இந்தத் தேர்தலில் பெங்களூர் நகரில் 58.27% வாக்குகள் பதிவாயின. 2008ம் ஆண்டு வெறும் 42% வாக்குளே பதிவாகி இருந்தன என்பது குறிப்பிடத்தக்கது.

கடந்த தேர்தலில் பெங்களூர் நகரில் 17 இடங்களில் வென்ற பாஜக, இந்த முறை 12 இடங்களில் மட்டுமே வென்றுள்ளது. அந்தக் கட்சி 5 எம்எல்ஏக்களை இழந்துள்ளது.

அதே நேரத்தில் கடந்த முறை 8 இடங்களில் வென்ற காங்கிரஸ், இந்த முறை கூடுதலாக 5 இடங்களில் வென்று 13 தொகுதிகளைக் கைற்றியுள்ளது.

அதே போல கடந்தமுறை ஒரு இடத்தில் மட்டுமே வென்ற மதசார்பற்ற ஜனதா தளம் இந்தமுறை 3 இடங்களில் வெற்றி பெற்றுள்ளது.

கடந்த தேர்தலோடு ஒப்பிடுகையில், பாஜகவிடம் இருந்து காங்கிரஸ் 5 இடங்களைக் கைப்பற்றினாலும், 3 இடங்களை மதசார்பற்ற ஜனதா தளத்திடம் இழந்துள்ளது.

தமிழர்கள் பெரும்பாலான அளவில் வசிக்கும் சிவாஜி நகர், சாந்தி நகர், ராஜாஜி நகர் தொகுதிகளில் காங்கிரஸ் கட்சியே வெற்றி பெற்றுள்ளது. இந்தத் தொகுதிகளில் ரோஷன் பெய்க், ஹாரிஸ், தினேஷ் குண்டுராவ் ஆகியோர் வெற்றி பெற்றுள்ளனர்.

English summary

Clearly, Bangalore did not vote for civic issues and, therefore, did not vote for change. Lack of civic infrastructure in the city perhaps mattered little to the voters when they stepped out to exercise their franchise. Except for a minuscule number of new faces, most of the legislators in the 28 assembly constituencies in the city were old faces. The well-developed areas like Jayanagar, Basavanagudi and several parts of South Bangalore had some MLAs who had worked towards development and who citizens thought deserved to be voted back to power. The huge voter turnout in the 2013 elections in the IT capital did not translate into voting for change. The city witnessed an unprecedented 58.27% turnout, up from 42% the last time in 2008.