விருதுநகர் மாணவர்களுக்கு பெரிய 'விசில்' அடிங்க... தொடர்ந்து தேர்ச்சியில் முதலிடம்!

சென்னை: விருதுநகர் மாவட்டப் பள்ளிகள் பிளஸ்டூ தேர்ச்சியில் கடந்த 25 ஆண்டுகளுக்கும் மேலாக தொடர்ந்து முதலிடத்தைப் பிடித்து அசத்தியுள்ளன. இந்த ஆண்டும் விருதுநகர் மாவட்டம்தான் மாணவர் தேர்ச்சியில் முதலிடத்தில் உள்ளது.

தலைநகர் சென்னை முன்பு ரேங்க் வாங்குவதில் முன்னணியில் இருந்தது. அந்தக் காலத்திலும் கூட விருதுநகர் மாவட்டம்தான் மொத்த மாணவர் தேர்ச்சியில் முதலிடத்தில்இருந்து வந்தது. இந்த நிலை இன்று வரை தொடர்வது பெரிய சாதனையாகும்.

இந்த ஆண்டும் மாணவர் தேர்ச்சி விகிதத்தில் விருதுநகர்தான் முதலிடத்தில் இருக்கிறது. அந்த மாவட்டத்தில் 95.87 சதவீதம் பேர் தேர்ச்சி அடைந்துள்ளனர். இந்த மாவட்டத்தில் மொத்தம் 21,224 பேர் தேர்வு எழுதினர். இதில், 20,348 பேர் பாஸாகியுள்ளனர்.

2வது இடம் தூத்துக்குடிக்கு

2வது இடத்தை தூத்துக்குடி மாவட்டம் பெற்றுள்ளது. அந்த மாவட்டத்தில் 95.46 சதவீத மாணவர்கள் தேர்ச்சி அடைந்துள்ளனர்.

3வது இடத்தில் நெல்லை

மாணவர் தேர்ச்சியில் நெல்லை 3வது இடத்தைப் பெற்றுள்ளது. அங்கு 94.61 சதவீதம் பேர் பாஸாகியுள்ளனர்.

4வது இடத்தில் நாமக்கல்

சமீப ஆண்டுகளாக கல்வியில் கலக்கி வரும் நாமக்கல் மாவட்டம் இந்த முறை மாணவர் தேர்ச்சியில் 4வது இடத்தைப் பிடித்துள்ளது. அந்த மாவட்ட மாணவ மாணவியர் 94.41சதவீத அளவுக்கு தேறியுள்ளனர்.

மாவட்ட வாரியாக பிளஸ்டூ தேர்வில் மாணவர்கள் பெற்ற தேர்ச்சி விவரம்....:

விருதுநகர் - 95.87
தூத்துக்குடி - 95.46
திருநெல்வேலி - 94.61
நாமக்கல் - 94.41
ஈரோடு - 94.28
கன்னியாகுமரி - 94.03
திருச்சி - 93.78
மதுரை - 93.77
தேனி - 93.58
கோவை - 92.95
திருப்பூர் - 92.89
சிவகங்கை - 91.82
சென்னை - 91.82
கரூர் - 91.03
பெரம்பலூர் - 90.59
தஞ்சாவூர் - 90.03
திண்டுக்கல் - 89.76
சேலம் - 89.4
ராமநாதபுரம் - 89.23
புதுச்சேரி - 88.2
புதுக்கோட்டை - 86.95
தர்மபுரி - 86.22
திருவள்ளூர் - 85.39
காஞ்சிபுரம் - 84.73
நாகப்பட்டினம் - 84.7
நீலகிரி - 84.05
கிருஷ்ணகிரி - 83.18
திருவாரூர் - 82.53
வேலூர் - 81.13
விழுப்புரம் - 78.03
அரியலூர் - 74.94
கடலூர் - 73.21
திருவண்ணாமலை - 69.91

English summary

Viruthunagar district has com out first this year too in pass percentage in +2 results.