கர்ப்பவதி கேட் மிடில்டனைக் கவர்ந்திழுக்கும் இந்திய உணவுகள்

லண்டன்: வாயும் வயிறுமாக இருக்கும் இளவரசி கேட் மிடில்டனுக்கு இந்திய உணவு வகைகள் நிறையவே பிடித்திருக்கிறதாம். அவரது குடும்ப நண்பர்களான இந்தியத் தம்பதியினர் கேட்டுக்குப் பிடித்த உணவு வகைகளை சமைத்து தருகின்றனராம்.

கேட் மிடில்டன் கர்ப்பிணியாக இருக்கிறார். இதையடுத்து அவரைச் சுற்றியே இங்கிலாந்து மீடியாக்கள் தினசரி செய்தி போட்டு வருகின்றன.

கேட் தற்போது என்ன வகையான உணவுகளை சாப்பிடுகிறார் என்று கண்டுபிடித்து செய்தி வெளியிட்டுள்ளனர்.

நடப்பது 7 மாதம்

தற்போது கேட் மிடில்டன் 7 மாத கர்ப்பிணி ஆவார். இவருக்கு இப்போது வயிற்றுக்கு இதம் தந்து வருவது சான் சிங்காடியா மற்றும் ஹாஷ் தம்பதியினர் சமைத்துத் தரும் உணவுகள்தானாம்.

கேட்டின் சொந்த ஊர்க்காரர்கள்

இந்தியத் தம்பதிகளான இவர்கள் கேட்டின் சொந்த ஊரான பக்கிள்பர்ரியில் வர்த்தக நிறுவனம் வைத்துள்ளனர்.

அப்பா, அம்மாவுக்கு வேண்டப்பட்டவர்கள்

கேட்டின் பெற்றோரான கரோல் மற்றும் மைக்கேல் மிடில்டனின் குடும்ப நண்பர்கள் இந்த இந்தியத் தம்பதியினர் ஆவார். தற்போது கேட் கர்ப்பமாக இருப்பதால் அவருக்கு இந்திய உணவு வகைகளை சமைத்துக் கொடுத்து அனுப்பி வருகிறார்களாம்.

என்ன சாப்பிடுகிறார்?

கேட் என்ன சாப்பாட்டை விரும்பி சாப்பிடுகிறார் என்பதை சொல்ல ஹாஷ் மறுத்து விட்டார். இதுகுறித்து அவர் கூறுகையில், எனது மனைவி சான் சமைப்பது கேட்டுக்குப் பிடிக்கும். தனக்குப் பிடித்ததை அவர் கேட்டு வாங்கிச் சாப்பிடுகிறார். நாங்கள் வெஜிட்டேரியன். எனவே கேட்டுக்கும் வெஜிட்டேரியன்தான் தருகிறோம் என்றார்.

English summary

Mother-to-be Kate Middleton is craving for Indian vegetable curry cooked by an Indian couple in her Bucklebury neighbourhood. The seven-month pregnant Duchess of Cambridge has enjoyed the homemade dish cooked for her by Chan Shingadia and her husband Hash, who run the Spar shop in Kate's hometown village of Bucklebury, southern England. The Indian couple are family friends of Kate's mother and father, Carol and Michael.