டூவீலரில் போன நாராயணசாமி மனைவி விபத்தில் சிக்கி படுகாயம்

புதுச்சேரி புதுவையில் இன்று இரு சக்கர வாகனத்தில் சென்ற மத்திய இணை அமைச்சர் நாராயணசாமியின் மனைவி கலைச்செல்வி விபத்தில் சிக்கி காயமடைந்தார்.

நாராயணசாமியின் மனைவி கலைச்செல்வி. 50 வயதாகும் இவர் தனது இரு சக்கர வாகனத்தில் தட்டாஞ்சாவடியிலிருந்து போய்க் கொண்டிருந்தார். அப்போது பின்னால் வந்த ஒரு வேன் அவரது டூவீலர் மீது மோதி விட்டது. இதில் கீழே வீசப்பட்ட கலைச்செல்வி தலையில் படுகாயமடைந்தார்.

உடனடியாக அவரை புதுவை ஜிப்மர் மருத்துவமனைக்குக் கொண்டு சென்றனர். அங்கு அவருக்கு தீவிர சிகிச்சை அளிக்கப்பட்டு வருகிறது.

தகவல் அறிந்ததும் முதல்வர் ரங்கசாமி மற்றும் அமைச்சர்கள் விரைந்து வந்து கலைச்செல்வியை சந்தித்து உடல் நலம் விசாரித்தனர்.

English summary

Union minister of state Narayanasamy's wife Kalaiselvi was injured in road accident in Puducherry.