ஹெச்1பி விசா எண்ணிக்கையை அதிகரிக்க அமெரிக்க என்ஜினியர்கள் எதிர்ப்பு

வாஷிங்டன்: ஹெச்1பி விசா எண்ணிக்கையை அதிகரிக்க நாடாளுமன்ற கமிட்டி அனுமதிக்க கூடாது என அமெரிக்க பொறியியலாளர்கள் அமைப்பு வேண்டுகோள் விடுத்துள்ளது.

அமெரிக்காவில் தொழில் ரீதியாக வரும் வெளிநாட்டினருக்கு வழங்கப்படும் ஹெச்1பி விசாக்களின் எண்ணிக்கையை 65,000-திலிருந்து 3.25 லட்சம் ஆக உயர்த்த இந்த மசோதா பரிந்துரைத்துள்ளது. இந்நிலையில், இந்த மசோதா சட்டமாக மாறுவதற்கு நாடாளுமன்றத்தின் ஒப்புதல் தேவைப்படுகிறது.

ஏராளமான திருத்தங்களுடன் கூடிய புதிய குடியேற்ற சட்ட மசோதாவை அமெரிக்க அரசு உருவாக்கியுள்ளது. இதற்கு முன்னதாக நாடாளுமன்ற உறுப்பினர்கள் அடங்கிய நீதித்துறை கமிட்டி ஒன்று இம்மசோதாவை ஆராய உள்ளது.

இந்நிலையில்தான் அமெரிக்காவில் மிகப்பெரிய பொறியியலாளர்கள் அமைப்பு இந்த வேண்டுகோளை விடுத்துள்ளது. ஹெச் 1 பி விசாக்களை அதிக அளவில் வழங்குவதால், அமெரிக்க பொருளாதாரத்துக்கு பாதிப்பை ஏற்படும் என அமெரிக்க பொறியியலாளர்கள் அமைப்பு கூறியள்ளது.

இதனால், வெளிநாட்டு பணியாளர்களுக்குத்தான் ஆதாயமேயன்றி, அமெரிக்க நிறுவனங்களுக்கு எந்த பலனும் இருக்காது என்று பொறியியலாளர்கள் அமைப்பு கூறியுள்ளது.

English summary

A professional US body of engineers has asked the Senators to reject any move to increase the number of H-1B visas, popular among Indian professionals, arguing that it has a damaging effect on American economy.