இது சட்ட சபையா? இல்லை அ.தி.மு.க. அலுவலகமா? சந்தேகமாக இருக்கிறது: ஸ்டாலின்

சென்னை: தமிழக சட்டசபை அ.தி.மு.க.,வின் அலுவலகமாக செயல்படுகிறது, என்று தி.மு.க., பொருளாளர் ஸ்டாலின் தெரிவித்துள்ளார்.

கடந்த 2011ம் ஆண்டு மே மாதம் அதிமுக ஆட்சிப் பொறுப்பேற்றது. இரண்டு ஆண்டுகள் முடிந்து தற்போது மூன்றாம் ஆண்டில் அதிமுக அடி எடுத்து வைத்துள்ள நிலையில், பல்வேறு அரசியல் கட்சியினரின் கருத்துக்களை தனியார் தொலைக்காட்சி ஒன்று கேட்டது.

அப்போது பதிலளித்த ஸ்டாலின், இது சட்டசபையா? அதிமுக அலுவலகமாக என்று சந்தேகமாக இருக்கிறது என்றார்.

தேமுதிக எம்.எல்.ஏ பாராட்டு

அதிமுக அரசு சிறப்பாக செயல்படுவதாகவும், தமிழக முதல்வர் ஜெயலலிதா 20 மணி நேரம் விழித்திருந்து தமிழக மக்களுக்காக அயராது உழைப்பதாகவும் தேமுதிக எம்.எல்.ஏ சுந்தர்ராஜன் பாரட்டு தெரிவித்தார்.

தமிழகத்தை மதுவற்ற மாநிலமாக மாற்ற வேண்டும் என்று தமிழக பா.ஜ.க., தலைவர் பொன் ராதா கிருஷ்ணன் வேண்டுகோள் விடுத்தார். தமிழகத்தில் இளைஞர்கள் மட்டுமல்லாமல் பெண்களும் மதுவுக்கு அடிமையாகி வருவது துரதிர்ஷ்டவசமானது என்றார்.

English summary

DMK leader Stalin has slammed ADMK for making the assembly as its office.