தேசிய மனித உரிமைகள் ஆணையத்தின் தலைவராக நீதிபதி ஜோசப்பை நியமிக்க பாஜக கடும் எதிர்ப்பு!

டெல்லி: தேசிய மனித உரிமைகள் ஆணையத்தின் தலைவராக உச்சநீதிமன்றத்தின் ஓய்வு பெற்ற முன்னாள் நீதிபதி ஜோசப்பை நியமிக்க பாஜக கடும் எதிர்ப்பு தெரிவித்துள்ளது. இருப்பினும் "பெரும்பான்மை" அடிப்படையில் நீதிபதி ஜோசப்பையே ஆணையத்தின் தலைவராக நியமிக்க மத்திய அரசு முடிவு செய்துள்ளது.

தேசிய மனித உரிமைகள் ஆணையத்தின் தலைவராக இருந்த நீதிபதி மாத்தூர் ஜனவரி மாதம் ஓய்வு பெற்றதைத் தொடர்ந்து அந்தப் பதவி காலியாக இருந்தது. இந்த பதவிக்கு யாரை நியமிப்பது என்பது குறித்து ஆலோசிக்க பிரதமர் மன்மோகன்சிங் தலைமையில் நேற்று ஆலோசனைக் கூட்டம் நடைபெற்றது. இக்கூட்டத்தில் எதிர்க்கட்சித் தலைவர்களான சுஷ்மா ஸ்வராஜ், அருண் ஜேட்லி, சபாநாயகர் மீரா குமார், உள்துறை அமைச்சர் சுஷில்குமார் ஷிண்டே, ராஜ்யசபா துணைத் தலைவர் பி.ஜே. குரியன் உள்ளிட்டோர் கலந்து கொண்டனர். இக்கூட்டத்தில் நீதிபதி ஜோசப்பை நியமிக்க சுஷ்மா ஸ்வராஜூம், அருண் ஜேட்லியும் கடும் எதிர்ப்பு தெரிவித்து வெளிநடப்பு செய்தனர்.

இருப்பினும் பெரும்பான்மை உறுப்பினர்கள் முடிவின் அடிப்படையில் நீதிபதி ஜோசப்பையே மனித உரிமைகள் ஆணையத்தின் தலைவராக நியமிப்பதில் மத்திய அரசு உறுதியாக இருப்பதாக டெல்லி தகவல்கள் தெரிவிக்கின்றன.

English summary

In what could give rise to a fresh controversy, the government Thursday pushed the candidature of former Supreme Court judge Cyriac Joseph for the post of Member, National Human Rights Commission, ignoring the BJP's concerns over his "integrity and competence