கனடா வான்பறப்பை முற்றுகையிடும் பறக்கும் தட்டுகள் எண்ணிக்கை 100% அதிகரிப்பு!

டொரன்டோ: வேற்றுக்கிரக வாசிகள் வரப்போறாங்க.. இருக்காங்க..படையெடுப்பாங்க.. என்றெல்லாம் ஹாலிவுட் ரேஞ்சுக்கு அவ்வப்போது கதைகள் ரெக்கை கட்டி பறக்கும்.. ஆனால் இந்தக் கதைகள் நிஜமோ என நம்பும்படியாக கனடாவின் வான்பரப்பு பறபறத்துக் கிடக்கிறது.

கனடா நாட்டின் "Ufology Research" என்ற அமைப்பு கடந்த சில நாட்களுக்கு முன்பு ஒரு அறிக்கையை வெளியிட்டது. அதில் கடந்த 2011மற்றும் 2012 ஆகிய ஆண்டுகளில் பறக்கும் தட்டுகளின் எண்ணிக்கை அதிகரித்திருப்பதாக கூறப்பட்டுள்ளது. கனடா வான் பரப்பில் 5 நாட்களுக்கு ஒருமுறை இத்தகைய வினோத வான்தட்டுகள் பறப்பது சர்வசாதரணமாகிவிட்டதாம்...

இப்படி வரும் பறக்கும் தட்டுகளின் எண்ணிக்கை ஆயிரக்கணக்கில் இருக்கின்றதாம்! சரி ஒரு புள்ளிவிவரத்தைப் பார்க்கலாம்..

2008-ம் ஆண்டு

கடந்த சில ஆண்டுகளில் முதல் முறையாக 2008ம் ஆண்டுதான் 1004 முறை இப்படி பறக்கும் தட்டுகள் வானில் தெரிந்தனவாம்...

2011ஆம் ஆண்டு

2008ஆம் ஆண்டு எண்ணிக்கையைவிட சற்றே குறைவாகத்தான் 2011-ல் பறக்கும் தட்டுகளின் எண்ணிக்கை தென்பட்டன.. அதாவது 986 முறை இப்படி பறக்கும் தட்டுகள் விசிட் அடித்துவிட்டுப் போயிருக்கின்றன

1981 முறை

ஆனால் கடந்த 2012ஆம் ஆண்டு 1981 முறை கனடா வான்பரப்பை தட்டிவிட்டுப் போயிருக்கின்றனவாம் பறக்கும் தட்டுகள்... இவை எங்கிருந்து வருகின்றன? இவற்றில் என்ன இருக்கின்றன? என்பதுபற்றிய தீவிர ஆராய்ச்சி நடைபெற்று வருகிறது..

நடப்பு ஆண்டிலும் பறக்கும் தட்டுகள் வானில் பறப்பது அதிகரிக்கத் தொடங்கியிருக்கிறதாம்.. எப்படியும் மாட்டும்ல.. என்ன இருக்கும் தெரியும்ல..

English summary

Sightings of UFOs have doubled in a single year in Canada. Between 2011 and 2012 there were almost 1,000 more recorded sightings of unexplained objects in the sky, according to the report by Ufology Research.