சுற்றுப்பயணம் வந்த ஆப்கான் அதிபர் ஹமீது கர்சாய்க்கு கௌரவ டாக்டர் பட்டம்: பிரணாப் வழங்கினார்

பக்வாரா: இந்தியா வந்துள்ள ஆப்கான் அதிபர் ஹமீது கர்சாய்க்கு கௌரவ டாக்டர் பட்டம் கொடுத்து கெளரவப்படுத்தினார் குடியரசுத்தலைவர் பிரணாப் முகர்ஜி.

மூன்று நாள் சுற்றுப்பயணமாக இந்தியா வந்துள்ள ஆப்கானிஸ்தானின் அதிபர் ஹமீது கர்சாய் ஆப்கான் ராணுவத்தை மேலும் வலிமை படுத்த இச்சுற்றுப்பயணத்தின் வாயிலாக இந்தியாவின் உதவிகளை நாடுவார் என எதிர் பார்க்கப்பட்டது.

இந்நிலையில், நேற்று அவருக்கு பஞ்சாப் மாநிலத்தில் உள்ள லவ்லி ப்ரொபெசனல் பல்கலைக்கழகத்தில், ஜனாதிபதி பிரணாப் முகர்ஜி கௌரவ டாக்டர் பட்டம் வழங்கி கௌரவித்தார். இந்நிகழ்ச்சியில் பஞ்சாப் முதல்-அமைச்சர் பிராகாஷ் சிங் பாதல் கலந்து கொண்டார்.

கெளரவ டாக்டர் பட்டத்தைப் பெற்றுக் கொண்ட கர்சாய், ‘ மதிப்பிற்குரிய இந்த பெரிய பல்கலைக்கழகம் வழங்கும் கௌரவ டாக்டர் பட்டத்தை, மிகவும் மரியாதையுடனும் அடக்கத்துடனும் ஏற்றுக்கொள்கிறேன் ' என்று மனம் நெகிழ்ந்தார்.

ஆப்கானிஸ்தான் மேம்பாட்டிற்கு இந்தியா வழங்கிய 200 கோடி டாலர் உதவிக்காக நன்றிகளை அப்போது அவர் தெரிவித்தார்.

English summary

The Afghan president Hamid Karsai was in tour to India. In Punjab he was honored with a doctorate.