''டேய் தம்பி நீ டுபாக்கூருடா.. நான்தாண்டா ஒரிஜினல் கரடி..'
மின்னசோட்டா: அமெரிக்காவின் மின்னசோட்டாவில் ஒரு சிறுவன் கரடியிடம் 'சிக்கி' பத்திரமாக மீண்டு வந்துள்ளான்.
சின்னக் குழந்தைகளுக்கு இன்ன டிரஸ்தான் போடுவது என்றில்லை. வித்தியாசமாக போடுகிறோம் என்று விதம் விதமான விலங்குகளைப் போல டிரஸ் போட்டு அழகு பார்க்கிறார்கள் பெற்றோர்கள்.
இப்படித்தான் அமெரிக்காவின் மின்னசோட்டா நகரைச்சேர்ந்த ஒரு சிறுவனுக்கு கரடி டிரஸ் போட்டு நிஜக் கரடியிடம் கொண்டு போய் விட்டனர் அவனது பெற்றோர்.
ஒரு ஊர்ல ஒரு கரடியாம்
மின்னசோட்டாவில் ஒரு விலங்கியல் பூங்கா உள்ளது. அந்த பூங்காவுக்கு தனது பெற்றோருடன் போயுள்ளான் ஒரு சிறுவன். அங்கு கரடிகள் பிரபலம்.
ஹலோ நான்தான் பியர்.. போலார் பியர்
அந்த சிறுவன் துருவக் கரடியைப் போன்ற ஃபர் டிரஸ் அணிந்து அச்சு அசல் கரடி போலவே காணப்பட்டான். ஆனால் அவனுக்கு எதிரே வந்து திடீரென நின்றது ஒரிஜினல் கரடி ஒன்று.
10 அடி உயரத்தில்
அந்தக் கரடி 10 அடி உயரத்தில் இருந்தது. பயங்கர எடை வேறு. வாயில் கூர்மையான பற்கள்... கடித்தால் ஒரே கடியில் ஆளே காலி. அப்படி ஒரு கரடி எதிரே வந்து நின்றால் எப்படி இருக்கும்..
பயமா.. எனக்கா
ஆனால் அந்த சிறுவன் பயப்படவே இல்லை. படு தைரியமாக நிமிர்ந்து ஒரிஜினலை உற்றுப் பார்த்தான். நிஜக் கரடியும், இந்த டுபாக்கூர் கரடியும் நேருக்கு நேர் சந்தித்த காட்சியை அங்கிருந்த கெல்லி லில்லிபிரிட்ஜ் என்பவர் அப்படியே தனது செல்போன் கேமராவில் பதிவு செய்தார்.
பயந்துட்டீங்களா.. கண்ணாடிக்கு உள்ளேதான் கரடி
சரி இப்ப உண்மையைச் சொல்றோம்.. உண்மையில் கரடி நேரில் வந்து சிறுவன் முன்பு நிற்கவில்லை. மாறாக ராட்சத கண்ணாடி வேலிக்கு வெளியில் இருந்துதான் அந்த சிறுவன், நிஜக் கரடியை பார்த்தான்....
இருந்தாலும் நேருக்கு நேர் சந்திப்பு என்பதுதான் நியூஸ் இல்லையா... அந்த வகையில் சிறுவனின் தைரியத்தையும் பாராட்டியாக வேண்டும்.
Click it and Unblock the Notifications
Sign in with Google