பிரான்ஸ்: எதிர்ப்புகளை மீறி... முதல் ஓரினச்சேர்க்கையாளர் திருமணக் கொண்டாட்டம்

மாண்ட்பெல்லியர்: பிரான்சில் கோலாகலமாக முதல் ஓரினச்சேர்க்கையாளர்களின் திருமணம் நடந்தேறியது.

ஓரினச்சேர்க்கையாளர்கள் திருமணத்தை அங்கீகரிப்பதற்கான சட்டம் பிரான்சில் கடந்த 18-ம் தேதி நிறைவேறியதையடுத்து முதல் ஓரினச்சேர்க்கையாளர்கள் திருமணம் நேற்று கோலாகலமாக நடந்தது.

விருந்தினர்கள் மற்றும் பத்திரிக்கையாளர்கள் முன்னிலையில் வின்செண்ட் ஆடினும் புரூனோ பாய்லீயு ஜோடியும் திருமணம் செய்துகொண்டனர். தங்கள் திருமணத்திற்கு நேரில் வந்து வாழ்த்தியவர்களுக்கு புது மணத் தம்பதிகள் கண்ணீர் மல்க நன்றி தெரிவித்தனர்.

பிரான்சில் ஓரினச்சேர்க்கையாளர்கள் திருமணத்திற்கு ஒருபுறம் வரவேற்பும், மறுபுறம் பலத்த எதிர்ப்பும் இருப்பது குறிப்பிடத்தக்கது.

English summary

It was the first gay marriage in France, and the couple, Bruno Boileau and Vincent Autin, have become symbols of a debate that has fractured the country.