தலைக்குள் சொருகிய 7 செமீ பென்சில்: 15 வருடங்கள் அவதிப்பட்ட ஆப்கன் இளைஞர்

பெர்லின்: கண்பார்வை குறைவாக இருப்பதாக கூறி சிகிச்சைக்காக வந்த இளைஞரின் தலையில் பென்சில் இருப்பதைக் கண்டு டாக்டர்கள் அதிர்ந்தனர்.

வலது கண் பார்வை குறைவு, தலைவலி, மூக்கில் ரத்தம் வடிதல் போன்ற பிரச்சினைகள் இருப்பதாக கூறி ஜெர்மன் தலைநகரில் உள்ள பெர்லின் மருத்துவமனைக்கு சிகிச்சைக்காக ஆப்கானிஸ்தான் நாட்டை சேர்ந்த 24 வயது இளைஞர் கொண்டுவரப்பட்டார்.

அதிநவீன கம்ப்யூட்டர் ஸ்கேனிங் மூலம் அவரை பரிசோதித்த டாக்டர்கள் அதிர்ந்துவிட்டனர். காரணம் அவரது கழுத்தின் பின்புறத்தலையில் 7 சென்டி மீட்டர் நீளமுள்ள பென்சில் ஒன்று இருந்தது தான்.

இந்த பென்சில் விவகாரம் குறித்து அவரிடம் கேட்கப்பட்ட போது, ‘ 15 வருடங்களுக்கு முன் சிறுவயதில் தனது தலையில் பென்சில் குத்தியதை ஞாபகப்படுத்தி சொன்னார். அப்போதிலிருந்து தலைவலியும், மூக்கில் ரத்தம் வடிவதாகவும் அவர் கூறியுள்ளார்.

அறுவை சிகிச்சையின் மூலம் அந்த பென்சில் அகற்றப்பட்டாலும், மருத்துவர்களால் அவரது கண்பார்வையை சரி செய்ய இயலவில்லையாம்.

English summary

A young man lived for many years with a pencil lodged inside his head, said German surgeons who detected the object on a CT scan and safely removed it.