ஜெ.வை சந்தித்த தேமுதிக எம்.எல்.ஏ. சேந்தமங்கலம் சாந்திக்கு துப்பாக்கி போலீஸ் பாதுகாப்பு

நாமக்கல்: முதல்வர் ஜெயலலிதாவை சந்தித்து அவரது அரசைப் பாராட்டிப் பேசி விட்டு வந்த தேமுதிக எம்.எல்.ஏ. சேந்தமங்கலம் சாந்திக்கு கொலை மிரட்டல் வந்ததாக புகார் கொடுக்கப்பட்டதால் அவருக்கு துப்பாக்கி ஏந்திய போலீஸ் பாதுகாப்பு தரப்பட்டுள்ளது.

நாமக்கல் மாவட்டம் சேந்தமங்கலம் தொகுதி தேமுதிக உறுப்பினர் சாந்தி. இவர் சில நாட்களுக்கு முன்பு முதல்வர் ஜெயலலிதாவைச் சந்தித்து பேசினார். ஜெயலலிதாவை சந்தித்த 6வது தேமுதிக எம்.எல்.ஏ இவர்.

இந்தநிலையில், சேந்தமங்கலம் அருகே முள்ளுக்குறிச்சியில் உள்ள சாந்தி வீட்டுக்கு கொலை மிரட்டல் வந்ததாம். இதையடுத்து அவரது வீட்டுக்கு பலத்த போலீஸ் பாதுகாப்பு போடப்பட்டுள்ளது. துப்பாக்கி ஏந்திய போலீஸ் பாதுகாப்பு கொடுக்க உத்தரவிடப்பட்டுள்ளது.

English summary

Police protectio has been provided to Senthamangalam DMDK MLA Shanthi, who met the CM recently.